| e-texts navigator |
| Wylie |
104a1 དམ་པས་བཀའ་སྩལ་པ།། དབང་མཆོག་བསྐུར་བར་བྱ་བ་ནི།། ཉན་དང་བསྒོམ་དང་འཆད་པ་དང་།། བསྒྲུབ་དང་ཕྲིན་ལས་བྱེད་པ་དང་།། རྡོ་རྗེ་རྒྱལ་པོ་ཐོབ་འདོད་དང་།། ས་རྣམས་རིམ་པ་བགྲོད་པ
104a2 དང་།། སྡུག་བསྔལ་རྣམས་ལས་ཐར་འདོད་པས།། དབང་རྣམས་ཐོབ་པར་འདོད་པ་ཡིས།། དད་ལྡན་སྲི་ཞུ་ཆེ་བ་དང་།། བླ་མ་སློབ་དཔོན་མཉེས་བྱ་དང་།། དམ་ཚིག་བསྲུང་དང་བསྒྲུབ་བརྩོན་བྱ།། བརྗོད་པ་བཀུར
104a3 དང་བདེར་གཤེགས་བསྔགས་པ་བརྗོད།། སློབ་དཔོན་གྱི་ནི་ཡོན་ཏན་བརྗོད།། སྐྱོན་རྣམས་བརྗོད་པར་མི་བྱ་སྟེ། གསེར་དང་དངུལ་དང་བཻ་ཌཱུཪྻ། དུང་དང་མན་ཤེལ་བྱེ་རུ་དང་། ཁྱོགས་དང་རྐང་འགྲོས་གླང་ཆེན
104a4 རྟ།། དགོས་པ་གང་དག་གང་ཡང་རུང་།། ལུས་སྲོག་དག་ཀྱང་ཕྱོགས་ལ་དབུལ། དབང་རྣམས་ཇི་ལྟར་ལེན་པ་ཡིས།། འདི་དག་མ་ལུས་བསྐྱེད་པར་བྱ།། གསང་བའི་དབང་ཆེན་དམ་པ་ནི།། ཡུམ་ཡང་མཚན་ཉིད་ལྡན
104a5 པ་ལ།། རིགས་རྣམས་གནས་ནི་དག་ཏུ་དགོད།། དེ་ཡང་ཡུམ་གྱི་མཚན་བརྟགས་པ།། ཁྲུས་མཁན་གྱི་ནི་བདག་ཉིད་ཆེ།། དུང་དང་ཟླ་འདྲ་པདྨའི་མདོག། ལུས་ལེགས་སྐེད་ཕྲ་སེམས་མའི་ཚུལ།། སྨིན་དཀྱུས་རིང་ལ
104a6 ལག་སོར་ཕྲ།། ཚིག་མིག་ཟླུམ་ལ་ཕྲ་བར་བཤད། ཁ་ནས་དྲི་ཞིམ་ངད་ལྡན་ཞིང་།། ལུས་ལ་ག་པུར་ཙནྡན་དྲི།། ཡིད་འོང་མཚན་ལྡན་སྐེད་སྐབས་ཕྱེད།། སྐྲ་འཇམ་མཐོན་མཐིང་གཡས་སུ་འཁྱིལ།། སོ་དཀར་ཚགས
iiif viewer powered by OpenSeadragon
