| e-texts navigator |
| Wylie |
103b1 དག་ཀུན།། ལྷ་དམན་དག་ལ་བསྟན་པར་ཟད།། བདེར་གཤེགས་རིགས་ལྔ་འཁོར་བཅས་ཀུན།། བསྐྱེད་ལྟར་དངོས་པོ་ཡོད་འགྱུར་ན།། དཔེར་ན་ནམ་མཁའ་དངོས་མེད་ལ།། ཕ་གུ་ལ་སོགས་རིན་ཆེན
103b2 གྱིས།། འདུག་པའི་གནས་རྟེན་བྱས་གྱུར་ཀྱང་།། ནམ་མཁའ་དངོས་པོ་མེད་གྱུར་པས།། གནས་རྟེན་ཁང་བུ་ཆགས་པ་མེད།། དེ་བཞིན་ཆོས་ཉིད་སྟོང་པ་ལ།། ཕྱག་རྒྱ་བསྒྱུར་དང་སྐུ་བསྐྱེད་དང་།། བསྒྲུབ་དང་དངོས
103b3 གྲུབ་ཐོབ་འདོད་དང་།། མཚན་དང་དཔེ་བྱད་བལྟ་འདོད་ཀུན།། དཔེར་ན་བྱིས་པ་མི་ཤེས་པས།། ནམ་མཁའི་ཁང་བུ་ཐོབ་འདོད་འདྲ།། དེ་བཞིན་ཆོས་ཉིད་དངོས་མེད་ལ།། བསྐྱེད་ནས་ཐོབ་འདོད་བྱིས་པའི
103b4 ཚུལ།། དཔེར་ན་ནམ་མཁའ་གཞི་མེད་ལ།། ཆགས་པའི་གཞལ་མེད་ཁང་རྣམས་དང་།། ལྡུམ་ར་སྐྱེད་མོས་ཚལ་བསམ་པས།། དེ་དག་འབྱུང་བར་ག་ལ་འགྱུར།། དེ་བཞིན་ཆོས་ཉིད་སྟོང་པ་ལ།། རྒྱལ་བའི་སྐུ་བསྐྱེད
103b5 ག་ལ་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ལྷ་བསྐྱེད་པ་དང་དབང་བསྐུར་བ་ཕྱག་རྒྱའི་ལེའུ་སྟེ་བཞི་བཅུ་གསུམ་པའོ།། །། དེ་ནས་འཁོར་དེར་འདུས་པ
103b6 མས་ཀྱིས་སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་བསྙེན་བསྒྲུབ་ཀྱི་དབང་གི་རིམ་པ་ཐོབ་པར་བགྱི་བ་དང་། ཡོན་དབུལ་བ་དང་དབང་རྣམས་བསྐུར་བ་ཅི་ལགས། སེམས་དཔའ
iiif viewer powered by OpenSeadragon
