| e-texts navigator |
| Wylie |
103a1 གཟིགས་མཛད་དེ།། རྫུན་ཚིག་སྨྲ་བའི་ལམ་གནས་པའི།། སེམས་ཅན་ཐམས་ཅད་ཀུན་ཏུ་སྦྱོར།། སྣ་ཚོགས་ཆེན་པོ་སླར་གཤེགས་ནས།། གྲུ་གསུམ་དཀྱིལ་འཁོར་དབུས་སུ་ནི།། རྡོ་རྗེ་སེམས་དཔའི
103a2 གཡོན་ཕྱོགས་སུ།། སེམས་དཔའི་སྐྱིལ་མོ་ཀྲུང་དུ་བཞུགས།། རྡོ་རྗེ་ཞེ་སྡང་གཏི་མུག་འདོད་ཆགས་དང་།། ཡིད་བཞིན་ནོར་བུ་དམ་ཚིག་སྟེ།། རིགས་ལྔར་གཏོགས་པ་འདི་དག་གིས།། འདོད་དང་གྲོལ་བར་རབ
103a3 བསྒྲུབ་པའོ།། གཙོ་བོ་ལྔ་རྣམས་ཇི་ལྟར་བསྐྱེད་པ་བཞིན།། ཡུམ་རྣམས་ཀྱང་ནི་རིམ་བཞིན་ནོ།། སེམས་དཔའ་སེམས་མ་སྒོ་བ་རྣམས།། རིམ་པ་བཞིན་དུ་བསྐྱེད་པར་བྱ།། ཏིང་འཛིན་སྔགས་དང་བརྗོད་པས
103a4 བསྐུལ།། དེ་ལྟར་བརྗོད་ཅིང་བསྐུལ་བསྒྲུབ་ན།། དངོས་གྲུབ་རྣམ་གསུམ་འཐོབ་པ་དང་།། བགེགས་དང་དུག་དང་ལོག་འདྲེན་དང་།། བདུད་རྣམས་འཇོམས་ཤིང་ལོག་འདྲེན་ཀུན་ལས་ཐར།། སྐུ་གསུང་ཐུགས་ཀྱི
103a5 དངོས་གྲུབ་འཐོབ་པ་དང་།། ཡེ་ཤེས་རྡོ་རྗེའི་དངོས་གྲུབ་ཉེ་བ་དང་།། མཚན་དང་དཔེ་བྱད་རྣམས་ཀྱིས་བརྒྱན།། འགྲོ་བའི་དོན་དུ་འགྱུར་བ་དང་།། ཐམས་ཅད་ཀུན་གྱིས་མཆོད་པ་དང་།། བདེ་བའི་ཞིང་དུ་གནས་པ
103a6 དང་།། ཡང་དག་དོན་རྟོགས་ལྷུན་རྫོགས་ནས།། ཐམས་ཅད་བདེ་བའི་ངང་དུ་འགྱུར།། ཆོས་ཉིད་རང་བཞིན་སྟོང་པ་ལ།། ཕྱག་རྒྱ་བསྒྱུར་དང་ལྷ་བསྐྱེད་དང་།། བསྙེན་དང་བསྒྲུབ་དང་ཆོ་ག་རྣམས།། ཇི་ལྟར་སྤྱོད་པ་དེ
iiif viewer powered by OpenSeadragon
