| e-texts navigator |
| Wylie |
102b1 སུ།། རིན་ཆེན་དབུས་སུ་རྣམ་པར་བཞུགས།། ཨཱ་རོ་ལི་ཀྲ། ས་བོན་ལས་ནི་གྲུབ་པ་ཡི།། རྡོ་རྗེ་སྣང་བ་མཐའ་ཡས་བསྐྱེད།། པདྨ་རཱ་གའི་མདོག་འདྲ་བ།། མི་འཁྲུགས་པས་ནི་ཅོད་པན་བརྒྱན།། ཞི་བ་རལ་པའི་ཅོད
102b2 པན་འཆང་།། དམར་དང་ནག་དང་དཀར་བའི་ཞལ།། ཐམས་ཅད་རྒྱན་གྱིས་བརྒྱན་པ་ཡི།། ཕྱག་དྲུག་པར་ནི་བསྒོམ་པར་བྱ།། གཡོན་པ་འགྱིང་ཐབས་པདྨ་འཛིན།། དྲིལ་བུ་དཀུར་བརྟེན་པར་ཕྱིན་ཏེ།། གཡས་པས
102b3 པདྨ་བསྐྱོད་མཛད་ཅིང་།། ཐུགས་ཀར་པདྨ་ཁ་ཡང་ཕྱེ།། གཡས་གཉིས་རྡོ་རྗེ་འཁོར་ལོ་དང་།། གཡོན་གཉིས་རིན་ཆེན་རལ་གྲི་བསྣམས།། སྙིང་ག་ནས་ནི་བྱུང་གྱུར་ནས།། ཐམས་ཅད་ཕྱོགས་སུ་རྣམ་པར
102b4 གཟིགས།། སེམས་ཅན་འདོད་ཆགས་ལྔ་སྦྱངས་ཏེ།། འདམ་ཆེན་ཆུ་ཡི་པདྨ་བཞིན།། སླར་གཤེགས་པདྨའི་དབུས་སུ་ནི།། རྒྱབ་ཀྱི་ཕྱོགས་སུ་རྣམ་པར་བཞུགས།། པྲཛྙཱ་དྷྲྀ་ཀྲ། ས་བོན་ལས་ནི་གྲུབ་པ་ཡི།། རྡོ་རྗེ་གདོན
102b5 མི་ཟ་བར་བསྐྱེད།། ལྗང་གུ་བཻ་ཌཱུཪྻ་འདྲ་བ།། རལ་པའི་ཅོད་པན་རྡོ་རྗེ་གནས།། ཐམས་ཅད་རྒྱན་གྱིས་ཡན་ལག་བརྒྱན།། ལྗང་གུ་ནག་དང་དཀར་བའི་ཞལ།། འོད་ཟེར་སྣ་ལྔས་འཁྲིགས་པར་འབར།། ཕྱག་དྲུག་པར
102b6 ནི་རྣམ་པར་བསྒོམ།། རལ་གྲི་རྡོ་རྗེ་རྒྱ་གྲམ་དང་།། འཁོར་ལོ་གཡས་པའི་ཕྱག་ཏུ་བསམ།། དྲིལ་བུ་པདྨ་སྡོང་བཅས་དང་།། ནོར་བུ་གཡོན་པའི་ཕྱག་ཏུ་བསམ།། དེ་བཞིན་སྙིང་ག་ནས་བྱུང་ནས།། ཕྱོགས་བཅུ་ཀུན་ཏུ
iiif viewer powered by OpenSeadragon
