| e-texts navigator |
| Wylie |
102a1 པ།། འོད་ཟེར་སྣ་ཚོགས་ཆེན་པོས་བརྒྱན།། ཕྱག་དྲུག་རྣམ་པར་སྒོམ་པར་བྱ།། འཁོར་ལོ་རྡོ་རྗེ་པདྨ་དཀར།། གཡས་པའི་ཕྱག་ཏུ་རྣམ་པར་བསམ།། དྲིལ་བུ་ནོར་བུ་རལ་གྲི་རྣམས།། གཡོན་གྱི་ཕྱག་ཏུ
102a2 རྣམ་པར་བསམ།། སྙིང་ལས་དེ་བཞིན་ཕྱུང་ནས་ནི།། ཕྱོགས་བཅུ་དགུ་རུ་རྣམ་པར་གཟིགས།། སངས་རྒྱས་སྒྱུ་འཕྲུལ་མཛད་ལ་སོགས།། ཆོས་ཀྱི་འཁོར་ལོ་རབ་ཏུ་བསྐོར།། གཏི་མུག་ལམ་ལ་རབ་གནས
102a3 པའི།། སེམས་ཅན་མ་ལུས་སྦྱངས་ནས་ནི།། སླར་ཡང་མདུན་གྱི་ཕྱོགས་རྣམས་ན།། ཟླ་བའི་དབུས་སུ་རྣམ་པར་བསམ།། རཏྣ་དྷྲྀ་ཀྲ། ས་བོན་ལས་ནི་བསྐྱེད་ནས་ནི།། དཀོན་མཆོག་དཔལ་ནི་མཁས་པས
102a4 བསྐྱེད།། རལ་པའི་ཅོད་པན་དཀར་ལ་ཞི།། མི་འཁྲུགས་དབང་བསྐུར་པས་ནི་བརྒྱན།། ཞལ་གསུམ་ཁ་དོག་གསུམ་པ་སྟེ།། སེར་དང་དམར་དང་དཀར་བའི་ཞལ།། ཐམས་ཅད་རྒྱན་དང་རབ་ལྡན་པའི།། ཕྱག་དྲུག
102a5 པར་ནི་རྣམ་པར་སྒོམ།། ནོར་བུ་རྡོ་རྗེ་འཁོར་ལོ་ནི།། གཡས་ཀྱི་ཕྱག་ཏུ་བསྒོམ་པར་བྱ།། དྲིལ་བུ་རལ་གྲི་པདྨ་སྟེ།། གཡོན་པའི་ཕྱག་ཏུ་རྣམ་པར་བསམ།། དེ་བཞིན་སྙིང་ག་ནས་ཕྱུང་སྟེ།། འཇིག་རྟེན་ཁམས་ནི་རྣམ
102a6 པར་གཟིགས།། ང་རྒྱལ་ལམ་ལ་གནས་པ་ཡི།། སེམས་ཅན་ཐམས་ཅད་སྤོང་བར་མཛད།། རིན་ཆེན་ཆེན་པོ་གཤེགས་ནས་ཀྱང་།། ཐམས་ཅད་དབང་བསྐུར་ཕུན་སུམ་ཚོགས།། རྡོ་རྗེ་སེམས་དཔའི་གཡས་ཕྱོགས
iiif viewer powered by OpenSeadragon
