| e-texts navigator |
| Wylie |
101b1 ནས།། རྡོ་རྗེའི་སེམས་ནི་རྣམ་པར་བསམ།། སྔ་མའི་གཟུགས་ནི་གནས་འགྱུར་ནས།། ཞེ་སྡང་གཟུགས་སུ་རྣམ་པར་གནས།། ཨིནྡྲ་ནི་ལའི་འོད་ལྟ་བུ།། ཞལ་གདངས་མཆེ་བ་གཙིགས་པས་འཇིགས།། མི་འཁྲུགས
101b2 འབར་བ་སྤྱི་བོར་འཆང་།། འཇིག་རྟེན་ཁམས་ཀུན་འཁྲུགས་པར་མཛད།། ཉི་མའི་དཀྱིལ་འཁོར་དབུས་གནས་པར།། ཉི་མ་བྱེ་བ་ཕྲག་བརྒྱའི་འོད།། དམར་པོའི་སྤྱན་ནི་འཇིགས་པ་ཆེ།། རྒྱན་རྣམས་ཀུན་གྱིས་ལེགས
101b3 པར་བརྒྱན། ཁྲོ་གཉེར་ཞི་བ་འདོད་ཆགས་ཆེ།། ཞལ་གསུམ་དག་ནི་རྣམ་པར་འཆང་།། རང་གི་དམ་ཚིག་མཉམ་པར་ལྡན།། ཕྱག་དྲུག་གིས་ནི་མངོན་པར་སྤྲུལ།། འཛམ་བུ་ནཱ་དའི་འོད་འདྲ་བའི།། སངས་རྒྱས་སྤྲིན
101b4 གྱིས་རྣམ་འཁྲིགས་པའི།། རྡོ་རྗེ་ཆེན་པོ་རྩེ་དགུ་པ།། དེ་ཡི་ཕྱག་ཏུ་བསྣམས་པར་སྒོམ།། སྔགས་གསུམ་པ་ཡིས་རིམ་བཞིན་དུ།། ཕྱག་རྒྱ་ཕྱི་མ་རྣམ་པར་བསྒོམ།། ཞེ་སྡང་རྡོ་རྗེར་བྱིན་བརླབས་པས།། དཀྱིལ
101b5 འཁོར་ཐམས་ཅད་རབ་ཏུ་སྤོང་།། ཛི་ན་ཛི་ཀྲ། ས་བོན་ལས་ནི་བསྐྱེད་བྱས་པ།། རྣམ་པར་སྣང་མཛད་གཙོ་བོ་སྟེ།། ཞི་བའི་ཆ་ལུགས་དགའ་དང་ལྡན།། ཕྱོགས་ནི་ཐམས་ཅད་སྣང་བར་མཛད།། སྟོན་ཀའི་འདམ་བུའི
101b6 འོད་འདྲ་བ།། རལ་པའི་ཅོད་པན་དག་གིས་བརྒྱན།། མི་འཁྲུགས་པ་ཡི་དབང་བསྐུར་ཞིང་།། སྣ་ཚོགས་རྒྱན་རྣམས་ཀུན་གྱིས་བརྒྱན།། དཀར་དང་གནག་དང་དམར་ཆེན་པོ།། ཁ་དོག་གསུམ་པའི་ཞལ་གསུམ
iiif viewer powered by OpenSeadragon
