| e-texts navigator |
| Wylie |
9b1 བཞེངས་ནས་ནི།། ཆོ་འཕྲུལ་ཆེན་པོ་ཀུན་བསྟན་ནས།། འཇིག་རྟེན་ལོག་པའི་གཙོ་བོ་རྣམས།། སྐལ་དང་ལྡན་པར་ལུང་བསྟན་པ།། ལས་དང་སྐལ་བར་རབ་ལྡན་ཞིང་།། རྒྱལ་བས་འབྱུང་བར་ལུང་བསྟན
9b2 པའི།། བསོད་ནམས་ཆེན་པོའི་སྐལ་ཅན་རྣམས།། སྤྲུལ་པས་ཇི་ལྟར་ལུང་བསྟན་བཞིན།། ད་ལྟར་དུས་ལ་འདིར་བབས་ཀྱིས།། འཁོར་བའི་སྙིང་པོར་ལུང་བསྟན་ཕྱིར།། ཆོ་འཕྲུལ་རྣམས་ཀྱི་བྱིན་རླབས་ཀྱིས།། བསྟན
9b3 པའི་སྙིང་པོ་དམ་པ་ཞིག། ཇི་ལྟར་བཤད་ཅིང་ལུང་བསྟན་བཞིན།། སྐལ་ལྡན་ཅན་ལ་བགྲོ་བར་བྱའོ།། དྲག་ཤུན་ཅན་ཞེས་བྱ་བའི་རི།། དགོན་པ་ཆེན་པོའི་གནས་འདི་ནི།། ཡེ་ཤེས་སྙིང་པོ་ཅན་རྣམས་ཀྱི།། ཐེག་ཆེན
9b4 གསང་བ་འབྱུང་བའི་གནས།། ཐོག་མ་ཐ་མའི་དུས་མེད་པར།། དམ་པ་རྣམས་ཀྱིས་བསྔགས་པ་ཡིན།། ཐོག་མ་ཐ་མ་མེད་པ་ཡི།། རྒྱལ་བ་དཔག་ཏུ་མེད་པ་ཡིས།། དམ་པའི་དགོན་གནས་ཆེན་པོ་དེར།། སེམས་ཀྱི
9b5 དཀྱིལ་འཁོར་མེ་ལོང་བཞིན།། བསྟན་པ་དེ་ལྟར་བདག་གིས་ཀྱང་།། ཐོག་མ་ཟ་མ་མེད་པ་རུ།། བསྐུལ་བའི་དུས་ནི་གར་བྱུང་བར།། བདག་ཀྱང་དེ་བཞིན་ཆོ་འཕྲུལ་སྣང་།། ཞེས་བགྲོས་སོ།། སངས་རྒྱས་ཀུན་གྱི
9b6 དགོངས་པ་འདུས་པའི་མདོ་ཆེན་པོ་ལས་གང་གི་གདུང་བ་སེལ་བར་བགྲོས་པའི་ལེའུ་སྟེ་བཞི་པའོ།། །། དེ་ནས་དེའི་ཚེ་དེ་ཉིད་དུ།། གནོད་དུལ་རྒྱལ་པོས་དེ་གསུངས་ནས།། མི་ཡི་གནས་ཀྱི་འཇིག་རྟེན
iiif viewer powered by OpenSeadragon
