| e-texts navigator |
| Wylie |
9a1 གསུང་ཇི་ལྟར་འགྱུར་ཞིག་གུ།། སླད་ཀྱིས་མཆོད་གནས་ཅི་ལ་བགྱི།། ད་ལྟར་སྟོན་པ་འདས་འོག་ཏུ།། གདུང་འཚོ་བ་སྐྱེས་བུ་འབྱུང་འབྱུང་རམ།། ཨེ་མའོ་ཀྱི་ཧུད་ཨེ་མའོ་བློང་ཞེས་ཡོངས་སུ་གདུང་བ
9a2 བཏོན་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐོག་མར་དམ་པས་གདུང་བ་བཏོན་པའི་ལེའུ་སྟེ་གསུམ་པའོ།། །། དེ་སྐད་སྨྲས་ཏེ་གདུངས་པ་ལས།། སྲིད་གསུམ་འགྲོ་བའི་གཉེན
9a3 གཅིག་པ།། རྒྱལ་བ་རྒྱ་མཚོ་རྣམས་ཀྱིས་གསན།། སྙིང་རྗེའི་བདག་པོ་དེ་དག་ཀུན།། ལྕང་ལོ་ཅན་གྱི་ཕོ་བྲང་དུ།། གསང་བའི་བདག་པོ་གནས་སུ་འདུས།། བསྐུལ་བ་ཆེན་པོ་འདི་སྐད་གསུངས།། གསང་བ་པ་ཡི
9a4 བདག་པོ་ཁྱོད།། སྔོན་གྱི་གོ་ཞ་ཡལ་ལམ་ཅི།། འཇིག་རྟེན་སྡུག་བསྔལ་མི་ཤེས་སམ།། སྙིང་རྗེའི་ས་ལ་བབས་ནས་ཀྱང་།། འཇིག་རྟེན་གདུང་བ་གསལ་བའི་རིགས།། སོ་སོའི་རིགས་ཀྱི་ཆ་བཟུང་བས།། མ་རུངས་པ
9a5 དག་ཀུན་བཏུལ་ཏེ།། འདོད་ཁྲིད་ཐབས་སུ་ཚིག་རྣམས་ཀྱིས།། ལས་ཀྱི་ཆ་དང་སྤྱོད་མཐུན་པར།། འདུ་ཤེས་བསྐུར་བ་བྱས་ནས་ནི།། བཀའ་ཡི་འགྲོ་བ་བཤད་སྦྱར་ནས།། ཡང་དག་དོན་ལ་དགོད་པའི་རིགས།། དེ
9a6 སྐད་རྣམ་པར་བསྐུལ་བ་ལས།། དབང་པོ་རྡོ་རྗེ་འཛིན་རྒྱལ་པོས།། གདུལ་དཀའ་འདུལ་ལ་མཁས་པའོ།། འཇིག་རྟེན་ཀུན་ལ་རྒྱལ་བའི་མཆོག། གསང་བའི་རྟགས་འཛིན་རྡོ་རྗེ་ཅན།། དགྱེས་ཤིང་གདན་ལས
iiif viewer powered by OpenSeadragon
