| e-texts navigator |
| Wylie |
98a1 དུང་མདོག་མཆོག་ཏུ་གཟུགས་བཟང་བ།། རྣམ་དག་འོད་གསལ་ཉི་ཟླ་འབུམ་བདལ་ཞིང་།། དཔའ་བོ་འོད་ཟེར་སྟོང་འབར་ལྷམ་མེ་པ།། འཇིག་རྟེན་གསུམ་གྱིས་ས་མཁན་སྟོན་པར་གྲགས། ཁམས
98a2 གསུམ་འགྲོ་བ་ཀུན་གྱི་གཉེན་གཅིག་པོ།། བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ།། བདག་ནི་ཐོག་མ་མེད་པའི་དུས་མཐའ་ནས།། ལམ་ལོག་ལམ་སྟོར་སྲིད་པའི་འཁོར་ལོར་འཁྱམས།། སྔོན་ཚ་ལས
98a3 ལོག་སྲིད་པ་སྤྱད་པས་ནོངས།། སྡིག་པའི་ལས་རྣམས་ཅི་སྤྱད་རབ་གནོང་འགྱོད།། དར་ཅིང་དྲེགས་པའི་ལས་དབང་དེ་བཙན་ནས། འཁོར་བའི་སྡུག་བསྔལ་རྒྱ་མཚོར་བྱིང་འགྱུར་ཏེ།། ཞེ་སྡང་འབར་བའི་མེས་ནི་རང
98a4 རྒྱུད་བསྲེགས།། གཏི་མུག་མུན་པ་འཐིབས་པོས་ཤེས་རབ་ལྗོངས།། འདོད་ཆགས་རྒྱ་མཚོའི་འདམ་དུ་རྣམ་ཤེས་བྱིང་། ང་རྒྱལ་དྲག་པོའི་རི་བོས་ངན་འགྲོར་མནན།། ཕྲག་དོག་རླུང་དམར་ཚུབ་མས་འཁོར་བར
98a5 གཡེངས།། བདག་ཏུ་ལྟ་བའི་མདུད་པ་དམ་པོས་བཅིངས།། འདོད་པ་མེ་མདག་དོད་འདྲིའི་འོབས་སུ་ལྷུང་།། སྡུག་བསྔལ་དྲག་པོ་མི་ཟད་ཆར་དུ་འབབ།། འདི་འདྲའི་སྡུག་བསྔལ་ཤིན་ཏུ་བཟོད་དཀའ་ཞིང་།། སྡིག
98a6 པའི་ལས་དབང་དྲག་པོ་མེ་འབར་བས།། རྣམ་ཤེས་དབང་པོ་མྱུ་གུ་གདུངས་འགྱུར་ཏེ།། ཕུང་པོ་སྒྱུ་མའི་ལུས་ཀྱིས་མི་བཟོད་ན།། བྱམས་མགོན་ཐུགས་རྗེ་ཅན་གྱིས་བཟོད་ལགས་སམ།། བདག་ནི་བླུན་རྨོངས་ལས
iiif viewer powered by OpenSeadragon
