| e-texts navigator |
| Wylie |
97b1 འདི་དཔའ་བོ་ཆེན་པོ་འདིས་རྣམ་པར་ནོན། ངེས་པ་ཡང་དག་པར་ནོན། ཀུན་ཏུ་རབ་ཏུ་ནོན་ཏོ་སྙམ་དུ་རྟོག་པོ།། དེའི་ཚེ་དེའི་དུས་ན་དེ་དག་གི་སེམས་ཀྱི་རྟོག་པས་རྟོག་པ་དྲག་པོ་རུ་ཏྲ་དེའི་སེམས་ཀྱིས་ཡོངས་སུ
97b2 ཤེས་ནས་སྨྲས་པ། ཀྱེ་ཉེ་གནས་དམ་པ་རྣམས་གང་དེ་ལྟ་མ་རྟོག་ཤིག། སྔོན་ཁོ་བོའི་ལས་ཀྱི་འཕྲོ་དང་འབྲེལ་བ་ཉེ་གནས་དམ་པ་ཀུན་གྱིས་བཤེས་གཉེན་དེ་དག་ཕྲད་པས་ལས་ཤེས་སོ།། སྐྱེ་བ་ཤེས་སོ།། ལས
97b3 མཐོང་ངོ་།། སྐྱེ་བ་མཐོང་ངོ་།། ལས་མངོན་དུ་གྱུར་ཏོ།། སྐྱེ་བ་མངོན་དུ་གྱུར་ནས་རང་གི་ལས་ལ་རང་ཐག་ཁོས་པར་གྱུར། གང་སྐད་ཅིག་མར་བདེ་བ་ཆེན་པོའི་གཡུང་དྲུང་གི་ཕོ་བྲང་མཐོང་བས་གང་འདི་ལྟར་བུད
97b4 མེད་དག་སྦྲུམ་པའི་སྡུག་བསྔལ་གྱིས་ཉེན་པ་གྱུར་པ་ན་འདི་སྙམ་དུ་སྡུག་བསྔལ་འདི་ནི་སྔོན་དུ་སྐྱེས་པ་བསྟེན་ཅིང་མང་དུ་སྤྱད་པའི་ལས་འབའ་ཞིག་ཁོ་ནའི་སྙམ་དུ་ཡིད་ལ་བྱེད་པ་བཞིན་ཁོ་བོ་ཡང་ལས་འབའ་ཞིག
97b5 ལ་ཁོ་ཟག་ཆད་ནས་ཇི་ལྟར་རི་གཟར་རྩེ་ནས་རྦབ་འདྲིལ་བ་གང་གིས་མི་ཟློགས་པ་བཞིན་གདུག་པ་ཆེན་པོའི་ཤུགས་ཀྱིས་འཐོན་པས་ཤིན་ཏུ་གདུང་བ་ཡིན་ཏེ། ཉེ་གནས་ཁྱེད་ཀྱང་རང་གི་ལས་ཡིད་ལ་གྱིས་ཤིག
97b6 དང་། གདུང་བའི་ཤུགས་རྦབ་ལྟར་འདྲིལ་བར་འགྱུར་རོ་ཞེས་སྨྲས་ནས་རྨ་ག་ཆད་པར་ངུས་ནས་ཤིན་ཏུ་སྐྱེས་ཏེ་ཡོངས་སུ་གདུང་བའི་དོན་བཏོན་པ་འདི་ལྟ་སྟེ། ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམས།། དྲི་མེད
iiif viewer powered by OpenSeadragon
