| e-texts navigator |
| Wylie |
97a1 ལས་འཕྲོ་གཉིས་ཕྲད་པས།། བདེ་བ་ཅན་གྱི་ཞིང་དུ་མྱུར་འགྲོ་ཡིས།། རྗེས་སུ་བསྟན་པའི་བཀའ་ལ་ཉམས་ས་རེ།། ཇི་ལྟར་མ་བྱམས་བུ་ལ་གདུང་བ་བཞིན།། དམ་ཚིག་ཅན་ལ་དུང་དུང་གདུང་བར
97a2 གྱིས།། གང་དུ་སྲིང་བྱམས་མིང་ལ་གདུང་བ་བཞིན།། ཡལ་གལ་ཅན་ལ་ལྷང་ལྷང་བརྩེ་བར་གྱིས།། མཛའ་མོ་གྲོགས་ལ་ཇི་ལྟར་གདུང་ཚུལ་བཞིན།། རྣལ་འབྱོར་ཅན་ལ་ཀྲིལ་ཀྲིལ་བརྩེ་བར་གྱིས།། ཇི་ལྟར་གཡོག
97a3 བྱམས་དཔོན་ལ་སྙིང་བརྩེ་བཞིན།། དམ་པ་རྣམས་ལ་ངེས་པར་ཉེ་བར་གྱིས། ཞེས་འཁོར་ཉེ་གནས་རྣམས་ལ་གདམས་ངག་བོར་ནས་དཔའ་བོ་ཆེན་པོ་ལ་སྐྱབས་སུ་དོང་སྟེ་བཀའ་ཆེ་བ་ཡོངས་སུ་བསྲུང་བའི་ཕྱིར་རང
97a4 རྟགས་སྲོག་གི་སྙིང་པོ་ཕུལ་ཏེ་མནའ་དོར་རོ། རུ་ལུ་རུ་ལུ་བྷྱོ་ཞེས་རང་གི་སྲོག་ལ་ཚད་བཞག་གོ། དེ་ནས་བཅོམ་ལྡན་འདས་ཀྱིས་ཡོངས་སུ་གནང་བ་ནི་འདི་ལྟ་སྟེ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཞེས་བྱིན་གྱིས་བརླབས་ཏེ
97a5 བསྲེགས་སྦྱངས་བཏུལ་ནས་དགོངས་ཁྲལ་ཆུང་བར་བཞུགས་སོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བདུད་ཡོངས་སུ་བཏུལ་བའི་ལེའུ་སྟེ་ཉི་ཤུ་བདུན་པའོ།། །། དེ་ནས་དེའི་ཚེ་དེའི
97a6 དུས་ན་དབང་ཕྱུག་ཆེན་པོའི་ཚོགས་རྣམས་འདི་ལྟར་རྟོག་སྟེ། ཨེ་མའོ་དྲག་ཆེན་པོ་འདི། འདི་ལྟར་མཐུ་ཆེ་བ། འདི་ལྟར་དྲེགས་པ། འདི་ལྟར་གཏི་མུག་པ། འདི་ལྟར་ཆ་པ། འདི་ལྟར་ང་རྒྱལ་བ། འདི་ལྟར་གཏུམ་པ
iiif viewer powered by OpenSeadragon
