| e-texts navigator |
| Wylie |
96a1 ཡང་དེར་དུར་ཁྲོད་བདག་པོ་དེས།། ཧུ་ལུ་ཧུ་ལུ་བྷྱོ་བརྗོད་པས།། མགོ་བརྒྱད་བཅུ་དྲུག་ལག་ཏུ་གྱུར།། དཔལ་ཆེན་རྗེ་བཙན་སྲིན་པོ་དེས།། ཁོ་ན་ཅི་འདྲ་དེར་མཛད་དེ།། དེར་ཡང་ངག་གི་བརྗོད་པ
96a2 བཅད།། གང་དེར་དུར་ཁྲོད་བདག་པོ་དེས།། ཧ་ལ་ཧ་ལ་བྷྱོ་བརྗོད་པས།། ཉི་ཤུ་རྩ་གཅིག་མགོ་བོ་ལ།། བཞི་བཅུ་རྩ་གཉིས་ལག་ཏུ་གྱུར།། ཡང་དུ་རྡོ་རྗེ་སྲིན་པོ་དེས། དེ་ཅི་ཁོ་ན་དེར་མཛད་ནས།། གང་འདིར་སྨྲ་བའི
96a3 དབང་པོ་བཅད། ཡང་དེར་ཁོ་ནར་དེ་ཉིད་ཀྱིས།། ར་ལི་ར་ལི་བྷྱོ་བརྗོད་པས། ལུས་ནི་ཚད་མེད་ཆེན་པོ་ལ།། ནད་ཀྱི་བསྐལ་བ་ཚུབ་མར་གཏོང་།། གདུག་པའི་མཚོན་ཆ་ལུས་ལས་འགྱེད།། རྗེ་བཙན་རྡོ་རྗེ་སྲིན་པོ
96a4 དེས། ཁོ་ན་དེར་འདྲ་ཉིད་མཛད་དེ།། ངག་ཕྲོགས་ངག་གི་སྤྲུལ་པ་ཆད།། དཔེར་ན་སྐྱེས་བུ་གང་ལ་ཞིག། ལྕེ་བཅད་ཁྲག་གིས་བོར་བ་བཞིན།། ཤིན་ཏུ་མྱོས་ཏེ་འགྱེལ་བར་གྱུར།། ཀུན་གྱི་མངའ་བདག་ཆེན་པོ་དེས།།
96a5 ས་མ་ཡ་ཧཱུཾ་གསུང་བསྒྲགས་པས།། སྔོན་བྱུང་དུས་ན་འབྲེལ་པ་ཡིས།། སྲོག་གི་དབང་པོས་མ་བཟོད་དེ།། གང་དེར་མདུན་གྱིས་ཕྱོགས་པ་དང་། རྩེ་གསུམ་ཁ་ཊྭཱཾ་འབར་བ་ཡིས།། རུ་ཏྲའི་རི་བོ་བཅོམ་དབང་གི། ཕྱག
96a6 རྒྱས་རོལ་ཏེ་ཕྱལ་དུ་སྦྱངས།། ཉེ་གནས་དབང་གིས་མཚམས་སྦྱར་བའི།། རང་གི་དམ་པ་ལ་སོགས་པའི།། མཐའ་ཐུག་མེད་པའི་སངས་རྒྱས་དང་།། དཔག་ཏུ་མེད་པའི་བྱང་ཆུབ་སེམས།། སྟུག་པོ་བཀོད་པའི་མཐོང
iiif viewer powered by OpenSeadragon
