| e-texts navigator |
| Wylie |
94b1 དམག་ཚོགས་དག་དབང་ཕྱུག་ཆེན་པོ་རྣམས་ཤིན་ཏུ་དངངས་འཁྲུངས་རྔམ་ནས་རོད་རོད་པོར་གྱུར་ཏེ། མྱ་ངན་གྱི་དུག་ལོ་འཚུབས་པ་བཞིན་བདུད་གྱི་ཕྲུ་མར་འདུས་ཏེ་བདུད་ཀྱི་རུ་མཚོན་ཕྱར། མཚོན་ཆའི་སྤྲིན
94b2 གཏིབས། བདུད་ཀྱི་སྒྱུ་འཕྲུལ་གྱི་དྲ་བ་བཀྲམ་སྟེ་བསོ་དག་ཆའི་སྒྲ་བསྒྲགས་ནས་སྤགས་པ་ལས། དོ་རྗེ་རྟའི་ཚོགས་ཀྱིས་རྡོ་རྗེ་སྙམ་པ་ནའི་སྟོབས་ཀྱིས་རྫུ་འཕྲུལ་མྱུར་བའི་འདུར་ཤུགས་དྲག་པོས་ཁྲོ་བོ་ཐེག་ཆེན་ཀུན
94b3 ཀྱང་འདུར་ཟག་གཅོད་པའི་རྟའི་འདུར་གླུ་འདིས་རྣམ་པར་བསྐུལ་བ། ཧྲི་སྒེག་པོ་དཔའ་བོ་འཇིགས་སུ་རུང་བ་དང་།། དགོད་དང་གཤེ་དང་འཇིགས་པར་བྱེད་པ་དང་། སྙིང་རྗེ་རྔམ་དང་ཞི་བ་ལ་སོགས་པའི།། སྐུ་ཡི
94b4 དངོས་པོ་ཤིན་ཏུ་བསྒྱུར་བ་ཡི།། གར་གྱི་ཕྱག་རྒྱ་འབར་བས་དབང་ཕྱུག་གནོན།། ཧྲི་མྱོས་བྱེད་སྟོང་པས་ལྷག་པར་འདོད་པའི་གཟུགས་སྟོན་ལ།། འདུལ་བའི་དབང་གིས་གཤིན་རྗེ་སྟོང་པས་ལྷག་པར་འཇིགས
94b5 གཟུགས་སྟོན།། ཞི་བའི་སྐུར་ཡང་ཚངས་པ་སྟོང་པས་ལྷག་པར་རབ་ཏུ་སྟོན།། ཐམས་ཅད་དཀྱིལ་འཁོར་གསུམ་དུ་སྣང་བར་མཛོད།། ཧྲི་རྣམ་པར་འདུལ་བའི་དོ་མཐོན་ཐབས་ཀྱིས་གནོན་པར་གནོན།། ཧོ་ཧོ་ཧ་ཧ
94b6 ཧེ་ཧི་ཧི་དགྱེས་པའི་བཞད་མོས་ཁོང་།། དབང་ཕྱུག་ཐམས་ཅད་རབ་ཞིག་རབ་ཏུ་ཤིག། རབ་གྱི་རྩལ་གྱི་སྟོབས་ཀྱིས་ངོ་མཐོང་དབང་ཕྱུག་གནོན།། ཧྲི་རྩལ་ཆེན་ཧུ་ལུ་ཧུ་ལུ་མིག་གསུམ་པ་ལས་གསུམ་གྲུབ་དྲོངས།། ཧྲི
iiif viewer powered by OpenSeadragon
