| e-texts navigator |
| Wylie |
94a1 ནའི་སེམས་རྟོག་རྟས་ནས་ཀྱང་།། ང་རྒྱལ་དྲག་པོའི་གཏུམ་སྐད་ཀྱིས།། འཁོར་གྱི་དབང་ཕྱུག་རྣམ་པར་བསྐུལ།། རུ་ཏྲ་མ་ཏྲ་མ་ར་ཏྲ།། འདུ་འདི་དབང་ཕྱུག་ཆེན་པོའི་ཚོགས།། ཀུན་དུ་རབ་ཏུ་དམ་ལ
94a2 འདུ།། གྲམ་གྲམ་དབང་ཕྱུག་ཆེན་པོའི་ཚོགས།། ཀུན་ཏུ་རབ་ཏུ་ལས་ལ་གྲམ།། ཐུད་བྲུད་དབང་ཕྱུག་ཆེན་པོའི་ཚོགས།། ཀུན་དུ་རབ་ཏུ་འདི་ལ་ཟུད།། དབང་ཕྱུག་ང་ཡི་ཕྲུ་མ་ལ།། གང་འདིར་གདུག་པ་ཆེན་པོ་འདི།།
94a3 ཁྱེད་ཀྱིས་བརླག་པའི་དུས་ལ་བབ།། གག་འདིར་བྱ་མི་བྱ་རྟོག་ན།། ཁྱེ་ནི་ཤིན་ཏུ་བརླག་མ་ཁད།། མཛའ་བོ་གང་ལ་བྱ་མི་བྱ་བ་ཡི།། ཡོངས་སུ་རྟོག་པ་དེ་དག་མེད་ཀྱང་བླ།། དེ་འདྲའི་མཛའ་བོ་སྒྱུ་མ་ཡིན་པས་ན།། དེ
94a4 ལ་འཛའ་ཞེས་སུ་ཞེས་ཟེར།། རྒོལ་བ་གང་ལ་བྱ་མི་བྱ་བ་ཡི།། ཡོངས་སུ་རྟོག་པ་དེ་དག་མེད་ཀྱང་བླ།། དེ་འདྲའི་རྒོལ་བ་སྒྱུ་མ་ཡིན་པས་ན། དེ་ལ་དཔའ་ཞེས་སུ་ཞིག་ཟེར།། དམ་ཚིག་གང་སྲུང་མི་སྲུང་བའི།། ཡོངས
94a5 སུ་རྟོག་པ་དེ་དག་མེད་ཀྱང་བླ།། དེ་འདྲའི་དམ་ཚིག་སྒྱུ་མ་ཡིན་པས་ན།། དེ་ལ་དམ་པར་སུ་ཞིག་འདོགས།། ཐམས་ཅད་བྱ་མི་བྱ་བ་ཡི།། ཡོངས་སུ་རྟོག་པ་དེ་དག་མེད་ཀྱང་བླ།། དེ་འདྲའི་སྤྱོད་པ་སྒྱུ་མ་ཡིན་པས་ན།།
94a6 དེ་ལ་བྱེད་ཅེས་སུ་ཞིག་ཟེར།། གང་ལ་གང་འདིར་གང་གི་ལས་རྣམས་དུས་ལ་བབ་ཅེས་དབང་ཕྱུག་ཆེན་པོ་རྣམས་བསྐུལ་བས། བདུད་ཀྱི་གཟི་བྱིན་མ་བཟོད་དེ་བདུད་ཀྱི་ཆ་འཛིན་པའི་ལྷའི་བུ་བྱེ་བ་དུང་ཕྱུར་གྱི
iiif viewer powered by OpenSeadragon
