| e-texts navigator |
| Wylie |
92b1 མཐུན་མཇུག་ཁྲིད་པའི་སྦྱོར་ཐབས་ཀྱིས།། དབང་བསྡུས་ངད་སྦྱངས་སྤྲུལ་པ་ནི།། སེམས་དཔའ་ཡེ་ཤེས་སྤྲུལ་པའི་ཚོགས།། ཀོ་ཙོ་ལ་སོགས་མ་ཚོགས་དང་།། སེང་སྟག་ལ་སོགས་ཡུལ་དུ་སྣང་།། འདོད་པའི་དབང
92b2 མོ་བརྐམ་པ་དེས། ཆགས་པའི་དབང་གིས་གང་མཐོང་བ།། སྤྱིར་ནི་རང་གི་ཁྱོད་བདག་ལྟ།། ལྷག་པའི་གཟི་ཆེན་འབར་བར་མཐོང་། སྙམ་པའི་དབང་གི་ཐེ་ཚོམ་སྐྱེས།། ཨེ་མའོ་བདག་གི་བདག་པོ་བས།། ཤིན་ཏུ
92b3 འོད་འབར་གཟི་བྱིན་ཆེ།། འདི་ཇི་ལྟ་བར་སྤྲུལ་པ་ཞིག། སྙམ་དུ་ཡིད་གཉིས་རྟོག་པ་ལས།། ཐབས་མཆོག་རྡོ་རྗེ་གཞོན་ནུ་དེས།། སྲིན་སྐད་ཐང་གསུམ་ཕྱུང་བ་ལས།། ཐེ་ཚོམ་རྟོག་པ་ཆད་པར་གྱུར།། ཆགས་པའི
92b4 དབང་གིས་སངས་རྒྱས་ཀྱི།། སྐུ་ལ་ངེས་པར་འཁྲིལ་བ་ནི།། ཙན་དན་སྦྲུལ་གྱི་སྡོང་པོ་ལ།། ཚད་པས་བདས་པའི་སྦྲུལ་འཁྲིལ་བས།། མི་རྟོག་ཚད་པའི་གདུང་སེལ་ལྟར།། གང་ལ་ཆགས་པ་མི་མངའ་བར།། གང་གི
92b5 གདུང་བ་རྣམ་པར་སེལ།། དེ་ན་སྨྲ་བ་བརྩེགས་པ་དེས།། ཐམས་ཅད་ཅི་དགའ་འབྱུང་བ་ཡི།། ཡིད་བཞིན་ནོར་བུའི་སྙིང་པོ་དེ།། ཉེ་བའི་རིག་པ་འདི་བརྗོད་པས།། བྱ་བ་ཐམས་ཅད་བྱེད་པའི་མཆོག། ཨོཾ་བྷུ་ར་ཀུཾ་ཨི་ཙ།
92b6 ཀི་པི། ཨུ་ཙྪསྶ། ཀྲོ་དྷ་ཧཱུཾ་ཕཊ། ཡང་དག་དངོས་མིན་ཆོ་འཕྲུལ་འདིས།། སྣང་མཛད་ཆེན་པོའི་ཆོ་འཕྲུལ་བསྡུས།། གང་དུ་དང་པོར་སྤྲུལ་པ་ཡི།། ཨོཾ་གྱི་འོད་ཟེར་མངོན་ཕབ་ནས།། དབང་མོ་བརྐམ་པའི་ལྷུམས་སུ
iiif viewer powered by OpenSeadragon
