| e-texts navigator |
| Wylie |
92a1 གསང་སྒོ་འཛིན་ཅིང་བཀའ་སྒོ་སྲུང་།། དུར་ཁྲོད་བདག་མོ་གྲུ་འདེབས་མ།། བརྐམ་པ་ཤིན་ཏུ་བརྐམ་མ་དང་།། ར་རོ་མོ་དང་ཁྲག་འཐུང་མ།། ཆགས་པས་མྱོས་པའི་མདངས་ཀྱིས་འཁོད།། བམ་རོ་ཐོད
92a2 པ་བརྩེགས་པའི་དབུས།། གནམ་ལྕགས་འབར་བའི་གཟེར་ཆེན་གྱིས།། བརྟན་པར་བཏབ་པའི་ནང་བདག་མོ།། ཉེ་གནས་ཀྲོ་དྷི་ཤྭ་རི་མ།། ཐོད་སྐྱོགས་ཁྲག་གི་བཀང་བ་དང་། འབྲུ་མར་རྫས་ལྔ་ཆང་སྦྱར་བ།། རྟག
92a3 པར་རང་གི་ལོངས་སྤྱོད་འཛིན།། ཆགས་པས་མྱོས་ཤིང་བརྐམ་པས་ན། འདོད་པའི་དབང་མོ་བརྐམ་པར་གྲགས།། རུ་ཏྲའི་ཕྲུ་མ་གྲོང་རྡལ་དེ།། འབར་བ་ཆེན་པོའི་གར་དགུ་ཡིས།། བཅོམ་ལྡན་དབང་དུ་མཛད་པའི
92a4 ཕྱིར།། སྡེ་དཔོན་བཏུལ་བའི་འཁོར་འདུས་པ།། འཇིག་རྟེན་དབང་ཕྱུག་མཐུ་ཆེན་རྣམས།། ཕལ་ཆེར་ལས་ལ་གྲམ་སྐབས་སུ།། དཔལ་ཆེན་རྡོ་རྗེ་འཛིན་པ་དེའི།། དེ་ཉིད་ཡང་དག་དངོས་མིན་པའི།། གཞོན་ནུ་སྣམ
92a5 ནས་བཏོན་པའི་སྲས།། རྡོ་རྗེ་གཞོན་ནུ་སྨེ་བ་བརྩེགས།། མཐིང་ནག་ཁྲོ་གཉེར་རལ་པ་ཅན།། བར་བ་ཆེན་པོའི་གར་དགུར་མཛད།། དུར་ཁྲོད་བདག་པོ་ཇི་བཞིན་དུ།། དབུ་དང་ཕྱག་ཞབས་དེར་མཛད་དེ།། བདུད་རྩི
92a6 ལྔ་ཡི་སྦྱོར་བ་ཡིས།། བཤུང་བ་ལྔ་ནི་བདུད་རྩིར་བསྒྱུར།། ཐམས་ཅད་སྟོང་ཉིད་བདུད་རྩིར་སྦྱངས།། ཉེ་གནས་ལ་སོགས་འཁོར་ལོ་རྣམས།། སྤྱོད་ལ་མ་ཆགས་ཡེ་ཤེས་དང་།། བྱས་ལ་མི་སོགས་ཕྲིན་ལས་ཀྱིས།།
iiif viewer powered by OpenSeadragon
