| e-texts navigator |
| Wylie |
90b1 དབུགས་མ་ཕྱུང་བ་དབུགས་ཕྱུང་སྟེ།། ཡང་དག་ཉིད་ལ་དགོད་པར་བགྱི།། དགོངས་པ་གསང་བ་ཀུན་འདུས་ལ།། རྨད་འབྱུང་གསང་བའི་དཀྱིལ་འཁོར་གྱིས།། མཐའ་ཐུག་མེད་པའི་སེམས་ཅན་རྣམས།། སྙིང་པོ
90b2 བསྐུལ་བའི་དབྱིན་བརླབས་མཛོད།། ཅེས་རྡོ་རྗེ་འཛིན་པ་དེས་དྲག་ཏུ་བསྐུལ་བ་ལས། ཆོས་ཀྱི་དབྱིངས་ཀྱི་ཕོ་བྲང་ནས་དེ་བཞིན་གཤེགས་པ་ཐམས་ཅད་ཡེ་ཤེས་ཆེན་པོའི་མེ་དུས་མཐའི་བསྐལ་པའི་མེ་ལྟར་འབར
90b3 བའི་ཐུགས་རྗེའི་སྤྲིན་ཕུང་ནམ་མཁའི་མཐའ་ཀླས་པར་འཐིབས་ནས་འབར་བ་ཆེན་པོའི་གར་དགུར་མངོན་སྤྱོད་དུ་མཛད་ནས་རྡོ་རྗེ་རྟའི་ཚོགས་ལ་བཀས་བསྒོ་བ།། སོད་ཀུན་ཏུ་རབ་ཏུ་སོད།། རྟ་ཡི་རྡོ་རྗེ་སྟབས་དགུ
90b4 ཡིས།། འཇིག་རྟེན་བློ་དགུའི་འདོད་པ་སྟོན།། འཇིག་རྟེན་ནག་པོ་གཏུམ་པའི་ཚོགས།། དུར་ཁྲོད་སྐྱབས་ལིངས་སྤྱོད་པ་ལ།། རྡོ་རྗེ་རྟོག་པའི་བྱ་སྒྲོན་གྱིས།། འཁོར་བ་མ་བསྒྲལ་བར་དུ་འདི།། དམ་བཅས་གོ་ཆ་གྱོན་པ
90b5 ཡི།། སྙིང་རྗེ་ཆེན་པོའི་རྟོག་འཇུག་གི། འཁོར་བའི་སོ་མཐའ་ཆོད་པར་གྱིས།། ཞེས་དྲག་ཏུ་བསྒོ་བས། རྡོ་རྗེ་ཆོས་རབ་དགའ་འཁོར་ལོ།། གཟིགས་དབང་རྡོ་རྗེ་སྤྱན་རབ་སྟེ། རྡོ་རྗེ་པདྨོ་རབ་དགའ་བ།། སྣང་མཛད
90b6 ངག་གི་དབང་ཕྱུག་ཚོགས།། བྱང་ཆུབ་ཆེན་པོར་ཅང་ཤེས་གཙོ།། ཐབས་ཆེད་དགུ་ཡི་རྫུ་འཕྲུལ་གྱིས།། རྡོ་རྗེ་རྟ་གདོང་སྤྲུལ་པའི་ཚོགས།། ནམ་མཁའི་ཁམས་ཀུན་ཡོངས་བཀང་ནས།། མ་ལ་ཡ་ཡི་རྩེ་ལ་ལྷགས།།
iiif viewer powered by OpenSeadragon
