| e-texts navigator |
| Wylie |
8a1 སྒྲོན་མའི་འོད་ནུབ་ན།། འཇིག་རྟེན་མུན་པ་གང་གིས་སེལ།། ཚད་མའི་ཞལ་དེ་མི་བཞུགས་པས།། ཚད་མས་གསུངས་པའི་བསྟན་པ་ལ།། འཇུག་པར་འཚལ་བའི་འགྲོ་བ་རྣམས།། ལོག་པར་འཇུག
8a2 པར་མི་འགྱུར་རམ།། ཚད་མར་དམ་བཅས་གང་ཟག་གིས།། དེས་མ་རྙེད་པ་གང་ཟག་ལ།། ཕན་པར་བྱ་ཕྱིར་བཀའ་བཀྲོལ་བས།། གཏན་ལ་ཕེབས་པར་འགྱུར་ཞིག་གུ། ལེགས་ཉེས་འབྱེད་པའི་སྤྱན་ཟུམ
8a3 པས།། བཀའ་ཉིད་ཁྱད་དུ་གསོད་པ་ཡི།། སྐྱོན་གྱི་སྤྱི་གཙུག་མཐར་ཕྱིན་པས།། ལོག་སྟོབས་འཕེལ་བར་མི་འགྱུར་རམ། ལོག་པའི་བསྟན་པའི་སྤྲིན་འཁྲིགས་པས།། བདེན་པ་གཉིས་ཀྱི་ཉི་ཟླ་ནུབ།། འགྲོ་བ་གང
8a4 ཞིག་ལ་མ་ཚོལ་བ།། མུན་པར་འཁྱམས་པར་མི་འགྱུར་རམ།། སྟོན་པ་མྱ་ངན་འདས་འོག་ཏུ།། བདུད་དང་སྲིན་པོ་མི་སྟེགས་དང་།། གནོད་སྦྱིན་འབྱུང་པོ་མི་མ་ཡིན།། མ་རུངས་གདུག་པ་སུས་འདུལ་འགྱུར།། དྲི་མེད
8a5 བསྟན་པའི་བདུད་རྩི་འདི།། ནུབ་ན་ཤིན་ཏུ་མ་རུང་ན།། རྩལ་དང་ལྡན་པ་སུ་ཞིག་གིས།། འབར་ཞིང་སྣང་བར་བྱེད་པར་འགྱུར།། བསླབ་པ་དམ་པའི་རིན་པོ་ཆེ།། བྲལ་ན་ཤིན་ཏུ་མ་རུང་ན།། སྐྱེས་བུ་དམ་པ་གང
8a6 ཞིག་གིས།། ཚུལ་རྣམས་འཛིན་པར་བྱེད་པར་འགྱུར།། སྟོན་པ་མི་བཞུགས་དེ་རྗེས་ན།། སྟོན་པའི་སློབ་མ་ཇི་སྙེད་པ།། འཕགས་དང་གང་ཟག་ཐ་དད་པ།། ལུང་བསྟན་འབྱུང་བ་གང་སུ་ཞིག། བསྟན་པ་ནམ་མཁའ་དྲ
iiif viewer powered by OpenSeadragon
