| e-texts navigator |
| Wylie |
89a1 ཆེན་པོ་ཡི་དྭགས་ཆེན་པོ་འདི་རྒྱུ་ནི་གང་ལས་བྱུང་། རྐྱེན་ནི་ཅི་ལས་བྱུང་། འབྲས་བུ་ནི་ཅིར་སྨིན། རིགས་ནི་གར་གཏོགས་ལས་སྐལ་གྱི་སྤྱོད་པ་ཅི་སྤྱོད། མ་བཏུལ་ན་ཅི་གནོད། བཏུལ་ན་ཅི་ཞིག
89a2 དགོས། དེ་སྐད་དྲིས་པ་ལས། བསྐུལ་བའི་གོ་ཆ་ཆེན་པོར་དེ་སྨྲས་པ། སེམས་དཔའ་ཆེན་པོ་གསང་བ་པའི་བདག་པོ་ཡི་དྭགས་ཆེན་པོ་འདི་གང་ལགས་པའི་རྒྱུ་རྐྱེན་ལས་ནི་མ་བྱུང་ཉེས་པ་འབའ་ཞིག་གི་རྒྱུ་རྐྱེན་ལས
89a3 བྱུང་སྟེ། རྒྱུ་ནི་མུན་པའི་རི་བོ་ལས་བྱུང་ངོ་།། རྐྱེན་ནི་བཀའ་བསྒོ་ལོག་པའི་དཀའ་ཐུབ་དྲག་པོ་ལས་བྱུང་ངོ་།། འབྲས་བུ་ནི་སྡུག་བསྔལ་གྱི་རི་བོར་སྨིན་ནོ།། རིགས་ནི་དམངས་རིགས་འཁོར་བ་གདོལ་བ་འབྱུང་པོ་ཡི
89a4 དྭགས་སུ་གཏོགས་སོ།། ལས་སྐལ་གྱི་སྤྱོད་པ་ནི་འཁོར་བའི་དངོས་པོ་བཞི་ལ་འཇོལ་ཏོག་ཏུ་སྤྱོད་དོ།། འདི་མ་གཏུལ་ན་ལུས་ཅན་གྱི་བྱང་ཆུབ་སྙིང་པོ་རིང་དུ་ནུབ་པའི་སྐྱོན་དུ་འགྱུར་རོ།། བཏུལ་ན་ནི་ཀུན་གྱི་སྙིང་པོ
89a5 འོད་ཀྱི་དཀྱིལ་འཁོར་མངོན་དུ་ཉེ་བར་འཆར་བར་འགྱུར་རོ་ཞེས་སྨྲས་པ་དང་། ཁོ་བོས་དེ་ལ་འདི་སྐད་ཅེས་སྨྲས་སོ།། ཨེ་མའོ་སེམས་དཔའ་ཆེན་པོ་འོ་ན་དུས་འདི་ནི་དུས་ལ་བབ་པའོ།། ལས་འདི་ལས་ཀྱི་མཆོག་གོ།
89a6 གསང་བ་འདི་ནི་གསང་བའི་ཡང་གསང་བ་དམ་པའོ།། ཐུལ་ཀུན་དུ་རབ་ཏུ་ཐུལ།། དུས་ལ་བབ་པའི་སྐབས་ཆེན་འདིར།། ལས་ལ་བབ་པའི་སེམས་ཅན་འདི།། སྟོངས་ལ་བབ་པའི་ཐུགས་རྗེ་ཡིས།། འདུ་ཤེས་བསྒྱུར
iiif viewer powered by OpenSeadragon
