| e-texts navigator |
| Wylie |
88b1 ལུས་ཅན་གྱི།། ཀུན་གཞི་ཀུན་གྱི་དབྱིངས་ན་དཔའ།། རྡོ་རྗེ་སྙིང་པོ་རབ་ཏུ་གནས།། སེམས་ཅན་སངས་རྒྱས་ཀུན་གྱི་དབྱིངས།། རྡོ་རྗེ་སེམས་དཔའ་དེ་བཞིན་ཉིད།། ཡེ་ནས་ཡིན་པར་ངེས་པ་ན།། མཐའ་ཐུག་མེད
88b2 པའི་སེམས་ཅན་རྣམས།། ཇི་ལྟར་དགའ་བ་འདོད་པ་བཞིན།། མ་བཀའ་མ་བཅོས་ཇི་བཞིན་པར།། ངེས་པ་ཉིད་དུ་གྱུར་པ་ཡི།། ཐབས་མཆོག་དཔག་གིས་མི་ལང་བའི།། མཛད་སྤྱོད་གར་ཐབས་སྤྲིན་ཕུང་གིས།། ཇི
88b3 ལྟར་སྤྱད་ཀྱང་དེ་ཉིད་ལ།། མ་གཡོས་མི་གོས་དབྱིངས་ན་དཔའ།། ཉིད་དུ་ངེས་པའི་ངོ་བོ་ལས།། མཐའ་ཡས་དཔག་ཏུ་མེད་པ་ཡི།། སྒོ་ནས་ཐམས་ཅད་མ་བཀའ་བར།། ཅི་དགའ་ཉིད་དུ་བདེ་དྲངས་ཏེ།། དམ་པ
88b4 རྣམས་ཀྱི་ངེས་པར་མཛོད།། འདིར་ནི་ནན་ཏན་དྲག་ཤུལ་གྱིས།། མི་ཟད་འབར་བའི་ཡེ་ཤེ་ལས།། དུར་ཁྲོད་བདག་པོར་རབ་འཇིགས་པའི།། ཆེ་མཆོག་འབར་བའི་ཕྱག་རྒྱར་མཛོད།། ཅེས་ངེས་པར་དམ་པར་བཅད
88b5 དོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བཀའ་བགྲོས་དམ་པ་བཅད་པའི་ལེའུ་ཞེས་བྱ་སྟེ་ཉི་ཤུ་ལྔ་པའོ།། །། ལང་ཀའི་བདག་པོ་དེའི་ཚེ་དེའི་དུས་ན་ཁོ་བོ་འཁོར་དེ་ཉིད་དུ་འདུས་པར
88b6 གྱུར་པ་ཞིག་གིས་ཤེས་བཞིན་དུ་གང་ཡོངས་སུ་སད་པའི་ཕྱིར་ཡང་འཁོར་དེ་འཁོད་པར་གྱུར་པའི་བྱང་ཆུབ་སེམས་དཔའ་བསྐུལ་བའི་གོ་ཆ་བློ་གྲོས་ཐབས་ལྡན་ཞེས་བྱ་བ་ཞིག་ལ་ཡོངས་སུ་དྲིས་པ། ཀྱེ་སེམས་དཔའ
iiif viewer powered by OpenSeadragon
