| e-texts navigator |
| Wylie |
88a1 ཆགས་སྤྱད་པས།། ཁམས་གསུམ་ཞེན་ཆགས་སྨོས་ཅི་དགོས།། འདོད་ཆགས་ཁྭ་མཚོ་བསྐམ་པ་དང་།། ཆགས་པས་ཆགས་པ་གཅད་པའི་ཕྱིར།། འདོད་ཆགས་རྣམ་དག་ཡེ་ཤེས་ལས།། འདོད་ཆགས
88a2 གར་གྱི་ཕྱག་རྒྱར་མཛོད།། ཅེས་ངེས་པ་དམ་པར་བཅད་དོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀས་བཅད་པའི་མདོ་གསུངས་པ། ཤིན་ཏུ་དངོས་པོར་ཞེན་པ་ལ།། བཀག་པས་ཕན་པར་མི་འགྱུར་ཏེ།།
88a3 ཤེས་རབ་ཐབས་ཀྱི་ངོ་བོ་ལས།། ཐམས་ཅད་མཐུན་འཇུག་སྤྱོད་པར་མཛོད།། མཐུན་འཇུག་ཚུལ་ཅན་མཐུན་པས་ཀྱང་།། ཁམས་གསུམ་ལོག་པར་བྱེད་ནུས་ན།། ཐུགས་རྗེ་གར་གྱི་མཛད་སྤྱོད་ཀྱིས།། འཇིག་རྟེན་བློ
88a4 ལོག་སྨོས་ཅི་དགོས།། དེ་ལ་སོགས་པ་མཐའ་ཡས་སྙེད།། འཇིག་རྟེན་འཇིག་རྟེན་མཐའ་ཡས་ཀུན།། གདུལ་བའི་ཐབས་ནི་སྣ་ཚོགས་ཀྱིས།། དྲངས་ཏེ་ཡང་དག་གསང་བར་སྦྱོར།། ཁྲོ་ལ་བྱམས་དང་ཁྲོ་ཚུལ་མཛོད།།
88a5 ཞི་ལ་ཞི་བ་སློང་སྤྱོད་ཉིད།། དྲག་ཤུལ་ཅན་ལ་དྲག་པོ་ཉིད།། གཡེམ་ལ་གཡེམ་དང་གཉེན་པོར་མཛོད།། ཆགས་ལ་ཆགས་དང་རྣམ་སྤོང་ཉིད།། གཡེང་ལ་སེམས་སྡུད་གཡེང་བ་ཉིད།། རྨོངས་ལ་ཁྱབ་པར་མཉམ་པ
88a6 ཉིད།། རི་ལ་ཏིང་འཛིན་རི་བོ་ཉིད།། ཕྲག་དོག་ཅན་ལ་ཕྲག་དོག་ཚུལ།། དེ་ལ་སོགས་པ་མཐའ་ཡས་སྙེད།། ཀུན་གཞི་མཉམ་དང་མི་མཉམ་པའི།། ནམ་མཁའ་དབྱིངས་ཀྱི་མཐའ་ཀླས་པར།། ཁྱད་པར་འདོད་པའི
iiif viewer powered by OpenSeadragon
