| e-texts navigator |
| Wylie |
87b1 མེད་པར་མཛོད།། མི་གཡོ་ཚུལ་ཅན་གནས་པས་ཀྱང་།། དམ་པའི་ལས་ལམ་གཅོད་བྱེད་ན།། བྱ་བྲལ་མི་གཡོ་བདེ་ཆེན་པོས།། འཇིག་རྟེན་གཡེང་བ་སྨོད་ཅི་དགོས།། མི་ཁོམ་ལམ་རྒྱུད་བཅད་པ་དང་། ལེ་ལོ་གཡེང
87b2 བའི་དགྲ་གཞོམ་ཕྱིར།། བཏང་སྙོམས་རྣལ་འབྱོར་ཆེན་པོ་ལས།། བྱ་མེད་གནས་པར་ཕྱག་རྒྱར་མཛོད།། ཅེས་ངེས་པ་དམ་པར་བཅད་དོ།། དེ་ནས་དེ་བཞིན་གཤེགས་གླང་པོའི་གདུང་དང་སྡེའི་ཚོགས་ཀྱིས་བཀའ
87b3 བཅད་པའི་མདོ་གསུང་པ།། ཤིན་ཏུ་གཏི་མུག་རྨོངས་པ་ལ།། བསྟན་པས་གོ་བར་མི་འགྱུར་ཏེ། ཁྱད་པར་ཅན་ཡང་མཚུངས་པ་ལས།། ཐམས་ཅད་གཏི་མུག་ཆེན་པོར་མཛོད།། གཏི་མུག་ཚུལ་ཅན་རྨོངས་པས་ཀྱང་།།
87b4 ཐམས་ཅད་མུན་པར་བྱེད་ནུས་ན།། མི་འབྱེད་བླང་དོར་མེད་པ་ཡིས། ཁམས་གསུམ་རྨོངས་པ་སྨོས་ཅི་དགོས།། མུན་པའི་སྐྱེ་མཆེད་གཞོམ་པ་དང་།། རྨོངས་པ་ནམ་མཁར་བྱ་བའི་ཕྱིར།། གཏི་མུག་རྣམ་དག་ཡེ་ཤེས
87b5 ལས།། མ་འདྲེས་ཡོངས་རྫོགས་ཕྱག་རྒྱར་མཛོད།། ཅེས་ངེས་པ་དམ་པར་བཅད་དོ།། དེ་ནས་དེ་བཞིན་གཤེགས་པ་པདྨོའི་གདུང་དང་སྡེའི་ཚོགས་ཀྱིས་བཀས་བཅད་པའི་མདོ་གསུངས་པ།། ཤིན་ཏུ་ཆགས་ཤིང་ཞེན་པ
87b6 ལ།། གཉེན་པོས་ཕན་པར་མི་འགྱུར་ཏེ།། ཆགས་པ་ཆེན་པོའི་ཡེ་ཤེས་ལས།། ཐམས་ཅད་ཆགས་པ་ཆེན་པོར་མཛོད།། ཆགས་པའི་ཚུལ་ཅན་སྤྱད་པས་ཀྱང་། ཁམས་གསུམ་ཁྲག་ཏུ་བྱེད་ནུས་ན།། འདོད་ཆགས་རྣམ་དག
iiif viewer powered by OpenSeadragon
