| e-texts navigator |
| Wylie |
87a1 སྦྱོར་བའི་ལྡེམ་དགོངས་ལས། ཐམས་ཅད་མཐུན་འཇུག་ཉིད་དུ་མཛོད།། མཛད་སྤྱོད་ཚུལ་ཅན་སྤྱོད་པས་ཀྱང་།། ཐམས་ཅད་བཀའ་ཟློག་བྱེད་ནུས་ན།། ཐུགས་རྗེ་མཐུན་འཇུག་མཛད་སྤྱོད་ཀྱིས།། ལམ
87a2 ལོག་དྲང་སྲོང་སྨོད་ཅི་དགོས།། དངོས་པོས་དངོས་པོ་དགྲོལ་བ་དང་།། དུག་གིས་དུག་གནད་གསལ་བའི་ཕྱིར།། ཐབས་མཆོག་དཔག་གིས་མི་ལང་བའི།། མཛད་པ་གར་གྱི་ཕྱག་རྒྱར་མཛོད།། ཅེས་ངེས་པ་དམ་པར
87a3 བཅད་དོ།། དེ་ནས་དེ་བཞིན་གཤེགས་པ་ནོར་བུའི་གདུང་དང་སྡེའི་ཚོགས་གྱིས་བཀའ་བཅད་པའི་མདོ་གསུངས་པ།། ཤིན་ཏུ་འཇུངས་ཤིང་བརྐམ་པ་ལ། བཏང་བས་ཕན་པར་མི་འགྱུར་ཏེ།། མེད་ལ་མི་ཟད་ཀུན
87a4 འབྱུང་ལས། ཐམས་ཅད་མི་ཟད་ནོར་བུ་མཛོད།། དཀའ་ཐུབ་ཚུལ་ཅན་འགགས་པས་ཀྱང་།། ཚེ་གཅིག་འཚོ་བར་བྱེད་ནུས་ན།། མེད་ལ་འདོད་དགུར་འབྱུང་བ་ཡིས།། ཁམས་གསུམ་གདུང་བ་སྨོས་ཅི་དགོས།།
87a5 འཇུངས་པ་ཚིམ་པར་བྱ་བ་དང་།། ཡོངས་སུ་གདུང་བ་གསལ་བའི་ཕྱིར།། ཐེག་ཆེན་གསང་བའི་ལོངས་སྤྱོད་ལས།། ནམ་མཁའ་མཛོད་ཀྱི་ཕྱག་རྒྱར་མཛོད།། ཅེས་ངེས་པ་དམ་པར་བཅད་དོ།། དེ་ནས་དེ་བཞིན
87a6 གཤེགས་པ་གཞོན་ནུའི་གདུང་དང་སྡེའི་ཚོགས་ཀྱིས་བཀའ་བཅད་པའི་མདོ་གསུངས་པ། ཤིན་ཏུ་ལེ་ལོ་གཡེང་བ་ལ།། བསྐུལ་བས་བརྩོན་པར་མི་འགྱུར་ཏེ།། བྱ་བཙལ་མེད་པའི་ཆོས་ཉིད་ལས།། ཐམས་ཅད་བྱ་བ
iiif viewer powered by OpenSeadragon
