| e-texts navigator |
| Wylie |
86b1 པའི་མདོ་གསུངས་པ། ཤིན་ཏུ་ཐེང་ཟུག་རྟག་པ་ལ།། མེད་པས་ཕན་པར་མི་འགྱུར་ཏེ།། སྙིང་པོ་བྱང་ཆུབ་དེ་ཉིད་ལས། བདག་ཉིད་ཆེན་པོར་ཐམས་ཅད་མཛོད།། མི་འགྱུར་ཚུལ་ཅན་རྟག་པས་ཀྱང་།། དངོས་པོ
86b2 བརྟན་གཡོར་བྱེད་ནུས་ན།། བདག་ཉིད་ཆེན་པོར་ལྷུན་གྲུབ་མཐུས།། ཐེར་ཟུག་ཟློག་པ་སྨོད་ཅི་དགོས།། བདག་དུ་ཞེན་པ་ཟློག་པ་དང་། དངོས་འཛིན་རྐ་མགོ་བསྒྱུར་བའི་ཕྱིར།། བདག་མེད་རྟག་པ་ཆོས་ཉིད་ལས།།
86b3 བྱེད་མེད་རང་བཞིན་ཉིད་དུ་མཛོད།། ཅེས་ངེས་པ་དམ་པར་བཅད་དོ།། དེ་ནས་དེ་བཞིན་གཤེགས་པ་རྡོ་རྗེའི་གདུང་དང་སྡེའི་ཚོགས་ཀྱིས་བཀའ་བཅས་པའི་མདོ་གསུང་པ།། ཤིན་ཏུ་གདུག་ཅིང་གཏུམ་པ་ལ། ཞི་བས
86b4 ཕན་པར་མི་འགྱུར་ཏེ།། ཤེས་རབ་ཐབས་ཀྱི་ངོ་བོ་ལས། ཁྲོ་བོར་དེ་བཞིན་གཤེགས་ཀུན་མཛོད། ཁྲོ་བོའི་ཚུལ་ཅན་ཁྲོས་པས་ཀྱང་།། འཇིག་རྟེན་གསུམ་དག་སྐྲག་ནུས་ན།། སངས་རྒྱས་ཐུགས་རྗེ་ཁྲོས་པ་ཡིས།།
86b5 ཁམས་གསུམ་མ་ལུས་སྨོས་ཅི་དགོས།། གདུལ་དཀའ་མ་ལུས་གདུལ་བ་དང་།། དམ་ཚིག་ལ་སྡང་རྣམ་སྦྱང་ཕྱིར།། འབར་བ་ཆེན་པོ་གར་དགུ་ལས།། དུར་ཁྲོད་གར་གྱི་ཕྱག་རྒྱར་མཛོད།། ཅེས་ངེས་པ་དམ་པར་བཅད
86b6 དོ།། དེ་ནས་དེ་བཞིན་གཤེགས་པ་རྡོ་རྗེ་སྙིང་པོ་དེ་ཁོ་ན་ཉིད་ངེས་པ་ཞེས་བྱ་བའི་ཚོགས་ཀྱིས་བཀའ་བཅད་པའི་མདོ་གསུང་པ། ཤིན་ཏུ་ལོག་པར་ཞེན་པ་ལ།། བདེན་པས་ཕན་པར་མི་འགྱུར་ཏེ།། གསང་ཆེན
iiif viewer powered by OpenSeadragon
