| e-texts navigator |
| Wylie |
84a1 མཐུན་པར་བགྲོས་པ།། གང་འདས་པའི་དུས་ན་སྔོན་བྱུང་བ།། ལས་ཀྱི་འཁོར་ལོས་འཕགས་པ་ཡི།། བློ་གྲོས་ལོག་པའི་རུ་ཏྲ་དེ།། སྙིང་པོ་དབྱིངས་ནས་བྱུང་བ་ནི།། སྐྱེས་བུ་དམ་པའི་སྦྱོར་བ་ཡིས།།
84a2 བདུད་ཀྱིས་བདུད་བཏུལ་གཉེར་བཀོད་ལྟར།། ད་ལྟར་འདི་ཆེ་བྱུང་བ་ནི།། དུག་འགྱུར་བརྩེགས་པའི་རི་བོ་འདི།། རྡོ་རྗེ་ཁྲོས་པའི་ཐོ་ཆེན་གྱིས།། བརླག་ཅིང་གཞོམ་པའི་དུས་ལ་བབ། ཅེས་བགྲོས་སོ།། སངས་རྒྱས
84a3 གཞོན་ནུའི་གདུང་དང་སྡེའི་ཚོགས་ཀྱི་མགྲིན་གཅིག་ཏུ་མཐུན་པར་བགྲོས་པ། ཁོ་ནས་འཁྱིལ་བའི་དུག་ཆེན་པོ། ཐར་མེད་མི་བཟད་ནད་ཀྱིས་ཟིན།། རྟག་ཆད་ཁམས་སུ་ཤི་བའི་རོ།། ལམ་ལོག་ལམ་སྟོར་དམུས་ལོང
84a4 འདི། ཡེ་ཤེས་ཁྲོས་པའི་ཆོ་འཕྲུལ་ལས། འབར་བའི་འཕྲོ་འཁྲུགས་པའི་གཟེར་ཆེན་གྱིས།། སྨག་ཆེན་མུག་ནག་གཞོམ་པའི་ཕྱིར།། ཡེ་ཤེས་ཅན་གྱི་སྤྱོད་ཡུལ་ནས། རྒྱལ་བ་རྒྱ་མཚོ་ཀུན་འདུས་ཏེ། ཡེ་ཤེས་རྡོ་རྗེས
84a5 ཁྲོས་པ་ཡི།། ཆོ་འཕྲུལ་སྤྲིན་ཕུང་གཏིབས་པའི་ས།། མཐུན་འཇུག་བྱིས་པའི་ཆ་བྱས་ཀྱིས།། རྣམ་པར་རོལ་པའི་མངོན་སྤྱོད་ཀྱིས།། དུག་ཆེན་རྒྱ་མཚོ་མ་བསྐམས་ན།། འདིར་ནི་སྙིང་རྗེ་རྐྱེན་འཚམ་མམ།། ཆོས་ཉིད
84a6 སྙིང་རྗེ་ཆེན་པོ་ཡི།། གང་འདིར་དམ་ཚིག་དམ་པའི་ཕྱིར།། དངོས་པོ་བཞི་ཡི་བསྟན་པ་མཛོད།། ཅེས་བགྲོས་སོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འདུས་པ་ཆེན་པོས་རྣམ་པར་བགྲོས
iiif viewer powered by OpenSeadragon
