| e-texts navigator |
| Wylie |
83b1 དྲག་པོ་ལོག་པའི་དཀའ་ཐུབ་ཀྱིས།། སྲིད་པ་གསུམ་གྱི་བདག་པོར་སྨན།། དྲེགས་པ་རུ་ཏྲའི་གདུག་དཔལ་གྱིས།། འགྲོ་རྣམས་མཐར་རློག་འཇོམས་བྱེད་འདི།། གདུལ་བའི་ཞིང་མཆོག་རྨད་དུ་བྱུང་།། སྙིང་རྗེའི་བདག
83b2 པོ་ཀུན་འདུས་ནས།། ལས་ངན་ལས་ཀྱི་རྒྱུན་བཅད་དེ། བདེ་ཆེན་ས་ལ་གཞག་པར་རིགས།། ཞེས་བགྲོས་སོ།། སངས་རྒྱས་རྡོ་རྗེའི་གདུང་དང་སྡེའི་ཚོགས་ཀྱི་གཅིག་པར་བགྲོས་པ།། ཀྱེ་མའོ་འདུས་པའི་སངས་རྒྱས
83b3 རྣམས།། འདས་པའི་དུས་ན་སྔོན་བྱུང་ལྟར།། ད་ལྟར་དུས་འདི་ཉིད་དུ་བྱུང་།། ལུང་ལོག་མངོན་པའི་རོ་བོར་བསྲེགས།། རང་རྒྱུད་བསྲེགས་པའི་བསླད་པ་ཅན།། བདུད་ཀྱིས་བྱིན་གྱིས་བརླབས་པ་ཡི།། གླང་ཆེན་མྱོས
83b4 པ་དྲག་པོ་ཆེ།། ཤིན་ཏུ་མི་བཟད་དུག་ཆེན་གྱིས།། འོ་དོད་འབོད་པར་བསད་བརླག་པས།། རོ་གླང་དུར་ཁྲོད་མཐར་ཞེན་པ། ཇི་ལྟའི་ཐབས་ཀྱིས་ཕན་པར་འགྱུར།། ཞེས་བགྲོས་སོ།། སངས་རྒྱས་ནོར་བུའི་གདུང་དང
83b5 སྡེའི་ཚོགས་ཀྱིས་གཅིག་ཏུ་མཐུན་པར་བགྲོས་པ། ནག་པོའི་གདུག་པ་སྨྱོན་པ་འདི།། ཇི་ལྟར་དེ་དགར་བཞག་འགྱུར་ན།། མི་བཟད་དུག་མཚོ་ཆུ་རླབས་ཀྱིས།། ནག་པོའི་ཁམས་སུ་རྒྱས་འགྱུར་བས།། དམ་པ་རྣམས
83b6 ཀྱི་རྒྱུན་གཅོད་ཅིང་།། ཉི་མ་སྒྲོན་མ་འཇིག་པར་འགྱུར།། དེ་ཚེ་ལས་ཀྱི་མུན་པ་ཡིས།། ཐམས་ཅད་མུན་ནག་སྨག་ཏུ་འཁྱམས།། ཞེས་བགྲོས་སོ།། སངས་རྒྱས་པདྨོའི་གདུང་དང་སྡེའི་ཚོགས་ཀྱིས་མགྲིན་གཅིག་ཏུ
iiif viewer powered by OpenSeadragon
