| e-texts navigator |
| Wylie |
83a1 པ་མཛོད།། ཀྱེ་མ་སྐྱེས་བུ་དོན་གྲུབ་པ།། བྱ་བ་བྱས་ཤིང་བྱེད་པ་བྱས། ཁུར་པོར་བདག་དོན་རྗེས་ཐོབ་པ།། གང་འདིར་འདུལ་བའི་དུས་ལ་བབ།། གཙང་མའི་གནས་མཆོག་འོག་མིན་གྱི།། ཆོས་ཀྱིས
83a2 མཐོང་བའི་གཞན་ཡས་སུ།། རྫས་ལོངས་སྤྱོད་པའི་སྐུར་གཤེགས་ཏེ།། སྙིང་པོ་བསྐུལ་བའི་བྱ་བ་མཛོད།། ཅེས་རྣམ་པར་བསྐུལ་བས།། ཇི་ལྟར་ཇི་ལྟར་སྤྲིན་མཐོངས་ནས། ཉི་མའི་དཀྱིལ་འཁོར་ཤར་བ་ལྟར།། མི
83a3 གཡོ་བ་ཡི་དབྱིངས་ཉིད་ལས།། གཟུགས་སྐུ་ཉི་མ་ཤར་བ་སྟེ།། ཆོས་ཀྱི་མཐོ་བ་ཞེས་བྱ་བའི་གཞལ་ཡས་སུ་རྣམ་པར་སྣང་བ་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་གི་ཆོ་འཕྲུལ
83a4 བསྐུལ་བའི་ལེའི་སྟེ་ཉི་ཤུ་གསུམ་པའོ།། །། དེ་ནས་ཆོས་ཀྱི་རྒྱལ་པོ་རྫོགས་ལོངས་སྤྱོད་པ་དེ་རྡོ་རྗེ་གོ་འབྱེད་ཡོངས་སུ་བསྡུ་བའི་མཚན་མ་མཛད་པས་མཐའ་ཐུག་པ་མེད་པའི་ཞིང་ཁམས་སྟུག་པོ་བཀོད་པ་ནས
83a5 དཔག་ཏུ་མེད་པའི་རྒྱལ་བ་ཀུན་ནས་ཡོངས་སུ་འདུས་པར་གྱུར་ཏོ།། དེའི་ཚེ་དེའི་དུས་ན་སངས་རྒྱས་སྙིང་རྗེ་ཡོངས་སུ་རོལ་པའི་ཚོགས་ཀྱིས་གཅིག་ཏུ་མཐུན་པར་བགྲོས་པ། ཀྱེ་ཀྱེ་སངས་རྒྱས་རྣམ་པར་མང་པོ་འབྱུང
83a6 བའི་ཚོགས།། སྣང་ངོ་ཀུན་དུ་རབ་ཏུ་འདྲིར་འབྱུང་བ།། སྲིད་པ་ལོག་པའི་གདུག་པ་ཅན།། འཁོར་བའི་ས་བོན་རྩུབ་མོར་འཕངས།། སྡུག་བསྔལ་ཆེན་པོའི་ཡི་དྭགས་རྣམས།། ལས་ཀྱི་འཇིག་རྟེན་ཁམས་འདིར་བྱུང་།།
iiif viewer powered by OpenSeadragon
