| e-texts navigator |
| Wylie |
81b1 པ་ཐམས་ཅད་ཀྱིས་བསྐུལ་པ་གཉིས་པ་འདིས་ངེས་པར་བསྐུལ་བ་ནི་འདི་ལྟ་སྟེ། རང་བཞིན་མ་བྱུང་མ་བཅོས་དེ་བཞིན་ཉིད།། ཡེ་ནས་མི་གཡོ་བདེ་བ་ཆེན་པོའི་ངང་།། བཙལ་ཞིག་གཡོ་བ་འདི་ལ་ཅི་ཡང་མེད།། ཡེ
81b2 ཤེས་དབྱིངས་ཉིད་ཚིག་གི་ཐ་སྙད་དེ།། དེ་ཉིད་དངོས་དང་དངོས་མིན་འབྱུང་གནས་ཉིད།། ཅིས་ཀྱང་མི་ཚུགས་མི་ཆོས་མི་ཤིགས་པའི།། ཡེ་ཉིད་ཇི་བཞིན་བདེ་མཆོག་མི་གཡོ་བ།། རྡོ་རྗེ་སེམས་མཆོག་ནམ་མཁའི
81b3 སྙིང་པོ་ཆེ།། དུས་གསུམ་བདེ་བར་གཤེགས་པའི་བཤེས་གཉེན་པོ།། འཕགས་རྗེ་སྤྲུལ་པ་མང་པོ་འབྱུང་བའི་གནས།། ཀུན་གྱི་རང་བཞིན་མེ་ལོང་འོད་པོ་ཆེ།། རྒྱལ་བ་མཐའ་ཡས་སྐྱེས་པའི་ཡབ་ཡུམ་མཛོད།། གང
81b4 དག་བྱང་ཆུབ་སྙིང་པོར་མཚུངས་པ་ཡི། རང་དག་དབྱིངས་ལས་མ་གཡོས་བྱང་ཆུབ་སེམས། གང་དུ་དང་པོ་རྣམ་དག་སངས་རྒྱས་ཀུན། ཁམས་གསུམ་ནས་བྱུང་རྡོ་རྗེ་སྙིང་པོའི་ལུས།། མཐའ་ཡས་རྟོག་ལས་ཡི་གེ་སྣ
81b5 ཚོགས་སྦྲུལ།། སྲས་ཀྱི་ཚོགས་ཀྱིས་མཛེས་པས་བསྐོར་བའི་དཀྱིལ།། གཟུགས་སྐུར་བསྟན་ན་ཉོན་མོངས་སྦྱང་དུ་གསོལ།། གང་དུ་དང་པོ་རྡོ་རྗེ་སྙིང་པོ་ནི། ཁམས་གསུམ་ནས་བྱུང་བདེ་ཆེན་ལྷུན་གྱིས་གྲུབ།། གཏུམ
81b6 ཐུང་གདུག་པ་ཐབས་ཀྱིས་གྲོལ་མཛད་ཕྱིར།། དྲི་མེད་སྣ་ཚོགས་བློས་ནི་ཧཱུཾ་དུ་སྤྲུལ།། འོད་ཟེར་ཚུལ་གྱི་ཕྲེང་བས་བསྐོར་བའི་དཀྱིལ།། སྔོན་གྱི་ཐུགས་དམ་སྨོན་ལམ་དབང་གིས་ན།། ཅིས་ཀྱང་མི་བསྐྱོད་གཟུགས་སྐུ
iiif viewer powered by OpenSeadragon
