| e-texts navigator |
| Wylie |
81a1 ཡི་གེ་ཨ།། ཞེས་གྲགས་སོ།། ཡང་ཐམས་ཅད་ཀྱི་དེ་བཞིན་ཉིད་ལས་འདི་སྐད་དུ་གྲག་གོ། ཡེ་ཤེས་ཕ་རོལ་ཕྱིན་རྫོགས་པས།། རྣལ་འབྱོར་རིག་པའི་སྒོ་མཚོན་པ། ཐུགས་ཀྱི་རྟགས་སྣང་སྣང་བར
81a2 མཛད།། རྣམ་གྲོལ་ཡེ་ཤེས་བསྐྱེད་པར་མཛོད།། ཅེས་གྲག་གོ། ཡང་སྐྱེ་བུ་དམ་པ་དེ་ཉིད་ལས་འདི་སྐད་ཅེས་གྲག་གོ། སངས་རྒྱས་ཀུན་གྱི་ཡེ་ཤེས་ནི།། རྟག་ཏུ་རྣམ་རྟོག་མེད་ལས་འབྱུང་།། མི་རྟོག་རྣམ་གྲོལ་ཡེ་ཤེས
81a3 ཐུགས།། རྟོག་ལ་རྣམ་རྟོག་མཚན་མར་སྣང་།། ཞེས་གྲག་གོ། ཡང་ཐམས་ཅད་ཀྱི་དེ་བཞིན་ཉིད་ལས་འདི་སྐད་ཅེས་གྲག་གོ། སྟོང་ཉིད་མི་རྟོག་མེ་ལོང་ལས།། མ་སྐྱེས་མི་འགག་གཟུགས་སྣང་བ།། མཁའ་ལ་འཇའ
81a4 སྣང་ཇི་བཞིན་དུ།། དབྱིངས་ལས་ཕྱག་རྒྱར་བཞེངས་སུ་གསོལ།། ཞེས་གྲག་གོ། ཡང་སྐྱེ་བུ་དམ་པ་དེ་ཉིད་ལས་འདི་སྐད་དུ་གྲག་གོ། དེ་བཞིན་ཉིད་དུ་མི་དམིགས་ཀྱང་།། རང་བཞིན་ཀུན་ཏུ་སྣང་བའི་དབྱིངས།། མ
81a5 འདྲེས་ཡོངས་སུ་རྫོགས་པས་ན།། ཕྱག་རྒྱའི་གཟུགས་མཆོད་རྣམས་པར་སྣང་།། ཞེས་གྲག་གོ། དེ་ལྟར་བསྐུལ་བ་དང་པོ་དེས་ཡོངས་སུ་རྫོགས་པར་བསྐུལ་བས་སྐྱེས་བུ་དམ་པ་དེ་ཁོ་ན་ཉིད་དེ་སྟོང་པ་ཉིད་ཀྱི་དབྱིངས
81a6 དེ་ལས་སྟོང་ཉིད་ཀྱི་སྐུ་རྣམ་པར་སྣང་བ་ནི་ཇི་ལྟ་ཇི་ལྟར་ཆུ་ཟླའི་དཀྱིལ་འཁོར་སྣང་བའམ།། ནམ་མཁའ་ལ་འཇའ་སྣང་བའི་ཚུལ་དུ་བྱུང་ནས་གང་མ་ངེས་པའི་ཡེ་ཤེས་ཀྱི་གནས་པས་གནས་པ་ལ་དེ་བཞིན་གཤེགས
iiif viewer powered by OpenSeadragon
