| e-texts navigator |
| Wylie |
80b1 གཤེགས་མཛད་པ།། མི་དམིགས་མི་རྟོག་དེ་བཞིན་ཉིད།། རྟོག་པ་སྣ་ཚོགས་སྐྱེད་པར་མཛོད།། ཅེས་གྲག་གོ། དེ་ལ་ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ། མི་རྟོག་ངང་ལས་རྟག་ཉིད་དུ།། བརྟགས
80b2 པས་སྟོང་པ་གང་བྱུང་བ།། དེ་ཉིད་རྟོག་པ་ཆེན་པོ་སྟེ།། གག་མི་རྟོག་པ་རྟོག་པའི་རྒྱུ་ཞེས་གྲག་གོ། ཡང་ཐམས་ཅད་ཀྱི་དེ་ཉིད་ལས་འདི་སྐད་དུ་གྲག་གོ། ནམ་མཁའི་དབྱིངས་ཀྱི་སྙིང་པོ་ལས།། རང་བཞིན་ཀུན་དུ་སྣང
80b3 བའི་འོད།། ཡོངས་ལ་ཁྱབ་པ་སྙིང་རྗེའི་ཡུལ།། མཐའ་ཡས་རྒྱལ་སྲིད་སྐྱེད་པར་མཛོད།། ཅེས་གྲགས་སོ།། ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ། ཀུན་འབྱུང་ཀུན་གཞི་ཆོས་ཀྱི་དབྱིངས།། མ་སྐྱེ་མི
80b4 འགག་ཀུན་དུ་སྣང་།། སྒྲ་བསམ་རྗོད་མེད་ཡུལ་ལས་འདས།། མཐའ་ཡས་མཐའ་ཡས་བསྐྱེད་པའི་ཡུམ།། ཞེས་གྲག་གོ། ཡང་ཐམས་ཅད་ཀྱི་དེ་ཉིད་ལས་འདི་སྐད་དུ་གྲག་གོ། ཐ་དད་རྣམ་པར་སྣང་མཛད་ན།།
80b5 གསུང་གི་ཕྱག་རྒྱའི་ཡེ་ཤེས་ལས།། རྒྱལ་བ་རྣམས་ནི་ཡི་གེར་སྣང་།། ཡི་གེའི་ཡེ་ཤེས་སྐྱེད་པར་མཛོད།། ཅེས་གྲག་གོ། ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ། དེ་ཉིད་ཡི་གེའི་རང་བཞིན་ཏེ།། རང
80b6 བྱུང་ཡེ་ཤེས་མུཾ་དུ་གསལ། སེམས་ཉིད་ཡི་གེའི་རང་བཞིན་ཏེ།། སྣ་ཚོགས་ཡི་གེ་ཧཱུཾ་དུ་སྣང་།། རྒལ་བའི་ཡི་གེའི་རང་བཞིན་ཏེ།། ཕྱག་རྒ་ཡི་གེ་ཨོཾ་ལ་སོགས།། ཐམས་ཅད་ཡི་གེའི་རང་བཞིན་ཏེ།། མ་སྐྱེས་གསང་བའི
iiif viewer powered by OpenSeadragon
