| e-texts navigator |
| Wylie |
7a1 གཉིས་པའི་ཡོངས་སུ་རྟོག་པ་ཆད་དོ།། དེ་ནས་ཡང་སྟོན་པས་དྲི་བ་གསུམ་པ་བཀའ་སྩལ་པ།། རིག་པ་འཛིན་པ་འདི་ལྟ་སྟེ། ང་ཡིས་སྒྲོན་མ་གང་བཞག་པ།། སྣོད་གསུམ་དག་ཏུ་སྣང་བ་སྟེ།། ཞི་གནས
7a2 ལྷག་མཐོང་ལས་མཐའ་གསུམ།། དང་པོར་ཤེས་པའི་རྒྱུད་གསུམ་ལ།། དེ་ནས་ཡི་གེའི་ཚོགས་ཉིད་ལའོ།། ཆེ་ཆུང་རིམ་པའི་བློ་ཡོད་ཕྱིར།། ཐེག་པའི་རིམ་པ་དེ་བཞིན་ཏེ།། བསྡུ་བའི་ཆེ་ཆུང་གཉིས་ཀྱིས་སོ།། རྣམ་པ
7a3 གཉིས་ཀྱི་ཁྱད་པར་ལས།། འཇུག་པའི་ཡུལ་ཡང་དེ་ཁོ་ནའོ།། གང་ལ་མོས་པ་དེ་ཉིད་དུའོ།། ཞེས་བཀའ་སྩལ་པས་དྲི་བ་གསུམ་པའི་ཡོངས་སུ་རྟོགས་པ་ཆད་དོ།། དེ་ན་ཡང་སྟོན་པས་དྲི་བ་བཞི་པ་དང་། ལྔ་པ་ཚིག
7a4 ལེའུ་གཅིག་པ་བཀའ་སྩལ་པ། གཞན་ཡང་དྲི་བ་ཐ་མ་གཉིས།། གཅིག་གིས་ཡོངས་སུ་ཆོད་པར་བྱས།། ཆོས་ཀྱི་སྤུན་དུ་བྱས་པ་ཡི།། རིག་པ་འཛིན་པ་ཁྱོན་ཉོན་ཅིག། སྒྲོན་མ་བྱེད་པའི་བྱ་བ་ཡང་།། སྔོན་དུ་བྱུང་བའི
7a5 ལུང་བསྟན་པའི།། འགྲོ་བའི་ལུས་ཀྱི་སེམས་དཔའ་དག། བྱུང་ནས་གསལ་བྱེད་ལོག་སུན་འབྱིན།། དེ་སྐད་ཅེས་བཀའ་སྩལ་པས་དྲི་བ་བཞི་པ་དང་ལྔ་པའི་ཡོངས་སུ་རྟོག་པ་ཆད་དེ་ཡོངས་སུ་མྱ་ངན་ལས་འདས་པར
7a6 གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གདམས་ངག་ངེས་པར་བཞག་པའི་ལེའུ་སྟེ་གཉིས་པའོ།། །། དེའི་ཚེ་དེའི་དུས་ན་གང་དག་མི་ཆེན་པོ་རྣམས་ནི་ཡོངས་སུ་གདུང་བ་མེད
iiif viewer powered by OpenSeadragon
