| e-texts navigator |
| Wylie |
76b1 བཀྲེས་སྐོམ་ཤིན་ཏུ་གདུངས་པ་ཡིས།། ཕན་ཚུན་གསོད་ཅེས་འཇོམས་པར་འགྱུར།། འདས་པའི་དུས་ན་སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་ནི
76b2 སྔོན་བྱུང་བ།། དེ་ཚེ་སེམས་ཅན་ཐམས་ཅད་ནི།། ཤིན་ཏུ་ལེ་ལོས་གཡེང་བར་འགྱུར།། ཤིན་ཏུ་གཡེང་བའི་ལེ་ལོ་ཡིས།། མི་ཁོམ་གནས་སུ་ལྟུང་བར་འགྱུར།། དེ་ནས་དེ་ཉིད་སླར་བྱུང་བས།། བསྐལ་པ་གསུམ་གྱི
76b3 བསྐལ་པར་འགྱུར།། འདས་པའི་དུས་ན་སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་དུ་སྔོན་བྱུང་བ།། དེ་ཚེ་སེམས་ཅན་ཐམས་ཅད་ནི།། ཤིན་ཏུ་གཏི་མུག
76b4 རྨོངས་པར་འགྱུར།། ཤིན་ཏུ་གཏི་མུག་རྨོངས་པ་ཡིས།། གཏི་མུག་བྱོལ་སོངས་ཉིད་དུ་ལྟུང་།། དེ་ནས་དེ་ཉིད་སླར་བྱུང་བས།། མཐོང་སྣང་ལམ་ཡང་ཆད་པར་འགྱུར།། འདས་པའི་དུས་ན་སྔོན་བྱུང་བ།། བདག་ཉིད
76b5 ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་ནི་སྔོན་བྱུང་བ། དེ་ཚེ་སེམས་ཅན་ཐམས་ཅད་ནི།། ཤིན་ཏུ་ཆགས་པས་མྱོས་པར་གྱུར།། ཤིན་ཏུ་ཆགས་པས་མྱོས་པ་ཡིས།། མངལ་གྱི
76b6 གྲོང་ཁྱེར་ཉིད་དུ་ལྷུང་།། དེ་ནས་དེ་ཉིད་སླར་བྱུང་བས།། འདོད་པའི་མེ་ཡིས་གདུང་བར་འགྱུར།། ཞེས་ཐམས་ཅད་དུ་གྲགས་སོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འདས་པ་སྔོན་བྱུང
iiif viewer powered by OpenSeadragon
