| e-texts navigator |
| Wylie |
73a1 ལས་བྱེད་པར་གྱུར་ཏོ།། ཡང་སྐྱེ་བ་དེའི་ཕྱི་མ་ལ་མནར་མེད་པའི་གནས་རྡོ་རྗེ་དམྱལ་བ་ཞེས་བྱ་བར་དེ་ཉིད་ཀྱི་ཚེའི་ཚད་བརྒྱད་ཁྲིའི་བར་དུ་གནས་ཏེ། དམྱལ་བ་དེའི་སྡུག་བསྔལ་གྱི་ཚད་ནི་བརྗོད་དུ་མི
73a2 རུང་ངོ་།། དེ་ཅིའི་ཕྱིར་ཞེ་ན། གང་གི་མདུན་དུ་སྡུག་བསྔལ་གྱི་ཚད་དེ་བརྗོད་ན་གང་གིས་ཟོས་པ་དེ་བརྒྱལ་བར་འགྱུར་རོ།། དེའི་ཚེ་དེའི་དུས་ན་དམྱལ་བ་དེས་ཨེ་མའོ་འདི་ཅི་ཉེས་སྨྲས་པའི་སྐད་ཅིག་གཅིག་གིས
73a3 ཕྱིན་པར་གྱུར་ཏོ།། རྡོ་རྗེ་སེམས་དཔའ་ཐུབ་པའི་དབང་པོ་ཆོས་ཀྱི་རྒྱལ་པོ་དེས་ཁོ་ན་ཉིད་ཀྱི་ལས་ཡིན་ཞེས་ཆོས་བསྟན་པས་ལས་དེ་ཡིད་ལ་བྱས་པས་ཡོངས་སུ་ཤེས་ཏེ་འགྱོད་པར་གྱུར་ཏོ།། འགྱོད་པ་ཙམ་གྱིས
73a4 གནས་དེ་ནས་འཕོས་ནས་རབ་ཏུ་ཚ་བའི་དམྱལ་བའི་གནས་སུ་ཡང་དེ་ཉིད་ཀྱི་ཚེ་ཚད་བརྒྱད་ཁྲིར་གནས་ཏེ་མནར་མེད་པ་ཇི་ལྟ་བ་བཞིན་ནོ།། དེ་ནས་ཡང་འཕོས་ནས་ཚ་བ་ཆུང་ངུ་དང་། ངུ་འབོད་ཆེན་པོ་དང་། དུ
73a5 འབོད་དང་། བསྡུས་འཇོམས་དང་། ཐེང་གནག་དང་། འབར་བ་དང་། ཡང་སོས་ལ་སོགས་པའི་དམྱལ་བའི་གནས་སུ་ཡང་དེ་དག་གི་ཚེ་ཚད་བརྒྱད་ཁྲི་གནས་ཏེ་མནར་མེད་པ་དང་རབ་ཏུ་ཚ་བ་ཇི་ལྟ་བ་བཞིན་ནོ།།
73a6 དེ་དག་ནམ་ཞིག་པ་ན་ཡང་འཇིག་རྟེན་གྱི་ཁམས་གཞན་གྱི་དམྱལ་བ་རྣམས་སུ་དེ་ལྟར་འཕེན་ནོ།། དེ་དག་ལས་འཕོས་ནས་ཀྱང་གང་འཇིག་པའི་བསྐལ་བ་མུ་གེ་དང་ནད་དང་མཚོན་གང་དུ་བྱུང་བ་དེ་དང་དེར་སྐྱེ་བར
iiif viewer powered by OpenSeadragon
