| e-texts navigator |
| Wylie |
71b1 བཅུག་ནས་སེམས་དམ་པར་ངེས་པའི་ལམ་དུ་ཞུགས་སོ།། དེ་ནས་ཐར་པ་གཡོག་དང་ལྟ་བ་མ་མཐུན་ཏེ། སྨྲས་པ། བདག་ཅག་གཉིས་ནི་དཔོན་ཅིག་ལ་སྒྲ་གཅིག་ཏུ་བྱུང་བ་འདི་ལ་སོ་སོར་མ་མཐུན་པའི་འདི་ཇི་ལྟ
71b2 ཞིག་དན་བག་གིས་སྨྲས་པ། བདག་གིས་ནི་ད་ལྟར་ངེས་པར་འཇོག་པ་འདི་ཁོ་ན་ལས་གཞན་མ་ཐོས་ལགས་སོ།། སྨྲས་པ། བདག་གིས་ཀྱང་དེ་ལྟ་ངེས་པ་རྙེད་པ་དེ་སྤྱོད་པ་འདི་ཁོ་ན་ལས་གཞན་མ་ཐོས་སོ་ཞེས་སྨྲས
71b3 པས། དེ་ལ་རྩོད་པ་ཆེན་པོར་གྱུར་ཏེ། ལྟ་བ་མ་མཐུན་པས་གཡོག་དང་སོ་སོར་བཀལ་ཏེ་མ་མཐོང་མ་ཕྲད་པར་དམ་བཅས་ནས་གཡོག་ཁམས་རིང་པོར་བཤུགས་ཏེ་སྤངས་སོ།། དེ་ནས་ཐར་པ་དགེ་སློང་དེ་མངོན
71b4 པའི་ང་རྒྱལ་ལོག་པའི་རི་བོར་སྐྱེས་ཏེ་དཔོན་ལ་སོ་སོའི་ངེས་པ་རྙེད་པ་གསོལ་བ་ལས། དགེ་སློང་ཐུབ་དཀའ་གཞོན་ནུ་མ་བཅོས་མ་བསླད་པའི་རྣལ་མར་སྤྱོད་པས་ཁ་གསག་མེད་དེ་རང་བཞིན་གསོང་པོར་སྨྲ་བས་ན
71b5 དན་བག་ལྟར་ངེས་སོ་ཞེས་བསྒོ་བས་ཐར་པ་ཀུན་ནས་འཁྲུགས་ཏེ་སྨྲས་པ། དཔོན་པར་འདྲ་ན་གཉི་ག་ལྟར་རོ་ཞེས་ཀྱང་མ་མཉམ་པར་ངེས་པར་བདག་བཀར་བཅག་པ་དང་སུན་ཕྱུང་བ་འདིས་བྱས་པས་དཔོན་འདི
71b6 ཡང་ཁམས་འདིར་མཚམས་པར་བྱས་ལ། འདི་དག་བདག་གི་ཁམས་སུ་བྱའོ་ཞེས་དམ་བཅས་ནས་ཆེ་བའི་ང་རྒྱལ་སྐྱེས་ཏེ་དཔོན་ཡང་ཁམས་རིང་པོར་བཤུགས་ཏེ་ཡོངས་སུ་སྤངས་སོ།། དེ་ནས་ཐར་པ་དེ་དེ་བཞིན
iiif viewer powered by OpenSeadragon
