| e-texts navigator |
| Wylie |
6b1 འབྱུང་།། གང་འཇིག་རྟེན་སྒྲོན་མ་ཡོངས་སུ་བཀོད་ཡང་འབྱུང་།། གང་གིས་ངེས་པ་རྙེད་པ་ན་ཡང་འབྱུང་། སྙིང་པོ་བྱང་ཆུབ་ཉིད་དུ་ངེས་པ་ན་ཡང་འབྱུང་།། དགོངས་པ་ངེས་པར་འགྲེལ་པ་མ་ཡང་འབྱུང་།། གདུལ
6b2 བྱའི་སྐབས་ལ་བབ་པའི་ཆེད་ན་ཡང་འབྱུང་།། བྱིན་གྱིས་བརླབས་ལས་སྣང་བ་ན་ཡང་འབྱུང་།། བརྒྱུད་པ་ཐབས་ཀྱིས་གྲགས་པ་ན་ཡང་འབྱུང་། གང་གི་ཆེད་དུ་མཛད་པ་ན་ཡང་འབྱུང་།། ལུང་ཆེན་ངེས་པར་བསྟན
6b3 པ་ན་ཡང་འབྱུང་།། ལས་རྒྱུད་ཡོངས་སུ་གཅོད་པ་ན་ཡང་འབྱུང་།། དགོངས་པ་རྣམ་པར་བགྲོ་བ་ན་ཡང་འབྱུང་།། དེ་དག་ནི་ཐམས་ཅད་ཀྱི་ཐམས་ཅད་ནས་ཐམས་ཅད་དུ་ཀུན་དུ་ཡོངས་སུ་རྣམ་པར་སྣང་ངོ་།། སྣང་བ
6b4 གྱུར་ཏོ་སྣང་བར་འགྱུར་རོ་ཞེས་བཀའ་སྩལ་པས་དྲི་བ་དང་པོའི་ཡོངས་སུ་རྟོག་པ་ཆད་དོ།། དེ་ནས་ཡང་སྟོན་པས་དྲི་བ་གཉིས་པ་བཀའ་སྩལ་པ།། རིག་པ་འཛིན་པ་ཆེན་པོ་བློ་དང་ལྡན་པར་བྱའོ།། གྲོས་ཀྱི་ཆོད་པར
6b5 བྱའོ།། ཐབས་ཀྱིས་ཟིན་པར་བྱའོ།། བསམ་པ་དག་པར་བྱའོ།། བརྗོད་པར་དྲང་པོར་བྱའོ།། སྤྱོད་པ་ལེགས་པར་བྱའོ།། དོན་བཙལ་བར་བྱའོ།། དགོས་ཆེད་བརྟག་པར་བྱའོ།། ངེས་པ་རྙེད་པར་བྱའོ།། བདེན་པར་སྨྲ
6b6 བར་བྱའོ།། ཚིག་མི་འགྱུར་བར་བྱའོ།། ཇི་སྐད་སྨྲས་པ་བཞིན་དུ་བྱའོ།། སྒོ་གསུམ་ལ་མཁས་པར་བྱའོ།། སྔགས་གསུམ་ལ་བསླབ་པར་བྱའོ།། གྲོང་ཁྱེར་གསུམ་བཤིག་པར་བྱའོ་ཞེས་བཀའ་སྩལ་པས། དྲི་བ
iiif viewer powered by OpenSeadragon
