| e-texts navigator |
| Wylie |
69a1 ལྔར་གང་སྣང་བ། སངས་རྒྱས་ཉིད་དེ་ཡེ་ཤེས་སྐུ།། ཐམས་ཅད་དེ་ཉིད་དེ་གཅིག་པས།། ཡེ་ནས་སངས་རྒྱས་བདེ་ཆེན་ཉིད།། སྐྱེ་འགག་མེད་པའི་སྙིང་པོ་ཡིན།། བྱ་བྱེད་མེད་པའི་དཀྱིལ་འཁོར་གསུམ།།
69a2 ཡེ་ནས་བསྒྲིབས་ཟིན་ལྷུན་གྱིས་གྲུབ།། སྒྲུབ་པའི་འདི་ལ་གང་གནས་པ།། རྣལ་འབྱོར་དེ་ཉིད་སྐལ་པ་བཟང་།། ཇི་ལྟར་བསྒོམས་བསྒྲུབས་ཅི་སྤྱད་ཀྱང་།། དེ་ཉིད་ཡིན་ཏེ་དོན་གྱིས་མཆོག། རྒྱལ་བ་ཀུན་གྱི་སྙིང་པོ
69a3 ཉིད།། བྱིན་བརླབས་ངོ་མཚར་རྒྱ་ཆེར་འབྱུང་།། རྒྱལ་བ་རྒྱ་མཚོ་རྣམས་ཀྱིས་ཡུམ།། སངས་རྒྱས་བདེ་ཆེན་དེ་ལས་བྱུང་།། མ་ལུས་ཀུན་གྱི་སྙིང་པོ་འདི།། སྤྲོས་མེད་ཐིག་ལེར་གནས་པ་ལས།། རྒྱལ་སྲས་སེམས་ཅན
69a4 ཀུན་གྱི་ཕྱིར།། ཉི་ལ་འཆད་ཅིང་ཉིད་ལ་འགྲེལ།། ཞི་གནས་མི་རྟོག་མཁའ་ཁྱབ་ལ།། ལྷ་མཐོང་མ་རྨོངས་འཇའ་ཚོན་གསལ།། མ་འདྲེས་ཡོངས་སུ་རྫོགས་པ་ལས།། དགོངས་པ་ངེས་པར་འགྲེལ་པ་བཤད།། ལང
69a5 ཀའི་བདག་པོ་སྟོང་པ་ཉིད་ལས་དེ་སྐད་དུ་སྒྲ་བརྙན་བྱུང་བ་ཐམས་ཅད་མ་འདྲེས་པ་དང་། ཡོངས་སུ་རྫོགས་པར་འགྲེལ་པ་ནི་ཀུན་དུ་བཟང་པོ་ཉིད་དོ།། ལང་ཀའི་བདག་པོ་དེ་ལྟར་ན་གང་གི་དགོངས་པ་ངེས་པར
69a6 འགྲེལ་པ་དེ་དག་ཀྱང་གཞི་དང་། འཇུག་པ་དང་། སྦྱོར་བ་དང་། རྩ་བ་དང་། ངེས་པ་འབའ་ཞིག་ལས་གྱུར་པ་དང་། སྣང་བ་དང་། བརྗོད་པ་དང་། བསྟན་པར་རིག་པར་བྱའོ།། དེ་སྐད་ཅེས་སྨྲས་པས། ལང་ཀའི
iiif viewer powered by OpenSeadragon
