| e-texts navigator |
| Wylie |
68b1 སྣང་མ་ཐག། ཐེག་པའི་སྒོ་ཡང་དེ་ལས་མེད།། བརྗོད་དང་བསྟན་པའི་རྣམ་གྲགས་ཀུན།། བཀྲི་བའི་དོན་དེ་དེ་ཉིད་མིན།། ཚེ་བརྡ་བརྗོད་པས་དོན་རྙེད་པ།། སྒྲོན་མེ་མུན་ཁུང་གསེར་ཚོལ་ལྟར།། གསང་བའི་སྙིང་པོའི
68b2 མཛོད་བརྟོལ་ཏེ། དམ་པ་རྣམས་ཀྱི་གཏེར་ཆེན་འབྱིན།། ཐེག་ལེ་གཅིག་གིས་ཀུན་ལ་ཁྱབ།། ཐམས་ཅད་ལུང་ཆེན་ངེས་པར་བསྟན།། དེ་དག་དེ་ཉིད་ངང་གྲོལ་ན།། གསང་སྔགས་མཐོང་བ་སངས་རྒྱས་ཏེ། ཀུན་ཀྱང
68b3 བདེ་ཆེན་བྱང་ཆུབ་སེམས།། རྟོག་བྲལ་དྲི་མེད་རྣམ་པར་དག། བདེ་ཆེན་ཉིད་ལ་བདེ་ཆེན་རྫོགས།། ཡེ་ཤེས་ཉི་མའི་སྙིང་པོ་ཤར།། མ་ལུས་མཐའ་དག་ཐིག་ལེའི་རྒྱ།། ཡེ་ནས་བཙལ་མེད་བཙལ་མི་དགོས།། རྒྱ
68b4 འབྲས་དབྱེར་མེད་དེ་ཉིད་དེ།། མི་གཡོ་མི་རྟོག་ཡུལ་འདས་ལ།། རྒྱུ་དང་འབྲས་བུར་རྟོག་འཛིན་གྱིས།། ཐམས་ཅད་སྒྱུ་མ་འཁྲུལ་པས་བཅིངས།། རང་བྱུང་ཡེ་ཤེས་ཉིད་མ་ཉིད།། མ་བཅོས་ཇི་བཞིན་གནས་པ་ན།།
68b5 སྙིང་པོ་ཉིད་དུ་གོལ་ས་མེད།། ཐམས་ཅད་བྱང་ཆུབ་སྙིང་པོ་བས།། ཀུན་ཀྱང་མ་བཙལ་བདེ་བར་གནོས།། སྣང་སྲིད་འཁོར་བའི་ཁ་བརྒྱུད་ཀྱང་།། སྙིང་པོ་དབྱིངས་ལས་གར་མི་ཕྱིན།། མཐའ་ཐུག་མེད་པའི་གཞི
68b6 བགྲོད་ཀྱང་།། སྙིང་པོ་དེ་ལས་གཡོས་པ་མེད།། དཔག་མེད་རྒྱལ་བ་ཀུན་བསྐྲུན་ཀྱང་།། སྙིང་པོ་ཡོངས་སུ་འཕེལ་བ་མེད།། སེམས་ཅན་མཐའ་ཐུག་མེད་འབྱུང་ཡང་།། དེ་ཉིད་དེ་ལས་འགྲིབ་པ་མེད།། སྐྱེ་བཞི་རྒྱུད
iiif viewer powered by OpenSeadragon
