| e-texts navigator |
| Wylie |
68a1 འབྱུང་།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། སྡེ་མཛོད་དམ་པའི་བཀའ་ལུང་རྣམས། འབྱུང་གནས་གཏན་ལ་ངེས་པར་འབེབས།། ཨེ་མའོ་ངོ་མཚེ་རྨད་ཀྱི་ཆོས།།
68a2 རྫོགས་པའི་སངས་རྒྱས་ཀུན་གྱི་གསང་།། གདུལ་བྱའི་ཡུལ་ནི་ཇི་སྙེད་པའི།། གསུང་གི་སྒོ་ཡང་དེ་སྙེད་འབྱུང་།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། རབ་འབྱམས་རྨད་དུ
68a3 གྲགས་པ་འདི།། བཀའ་ཡི་རབ་རྒུད་མེད་པ་ཉིད། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། ཇི་བཞིན་པ་ཡི་དེ་ཁོ་ན།། བསྟན་པ་འབྱུང་བའི་སྙིང་པོ་མཆོག། ཨེ་མའོ་ངོ་མཚར་རྨད་ཀྱི
68a4 ཆོས།། རྫོགས་པའི་སངས་རྒྱས་ཀུན་གྱི་གསང་།། ཟབ་མོ་འདུས་པའི་གཏན་ཚིགས་འདི།། སངས་རྒྱས་འབྱུང་བའི་སྙིང་པོའི་ཡུམ།། རྣམ་པར་སྣ་ཚོགས་སྣང་བར་མཛད།། མི་འགྱུར་མི་འཇུག་རྡོ་རྗེ་སེམས།། དཔག་ཏུ
68a5 མེད་པ་གསུང་མཐའ་ཡས།། ཡོན་ཏན་རིན་ཆེན་སྣ་ཚོགས་འབྱུང་།། མཐའ་དག་ལྷུན་གྲུབ་གདོན་མི་ཟ།། རྡོ་རྗེ་སྙིང་པོ་ཉིད་ལ་ཉིད།། ཉི་མ་ཐུགས་ཀྱི་དཀྱིལ་འཁོར་ཤར།། བསམ་མེད་བསམ་གྱིས་མི་ཁྱབ་པའི།།
68a6 དཔག་མེད་བརྒྱད་ཁྲི་བཞི་སྟོང་སྒོ།། གྲགས་པའི་རྣམ་གྲགས་བསམ་ཡས་ཀྱང་།། ངེས་པའི་ཐེག་པ་གཅིག་ལས་མེད།། གསང་ཉིད་མ་ངེས་འཇུག་པར་དུ།། ཐེག་པའི་སྒོ་ཡང་བསམ་མི་ཁྱབ།། གསང་ཉིད་ངེས་པར
iiif viewer powered by OpenSeadragon
