| e-texts navigator |
| Wylie |
66a1 དགོངས་པའི་མཉམ་རྙེད་ནས།། ཇི་བཞིན་མ་བཅོས་དེ་ཁོ་ན།། ཟབ་མོ་དམ་པ་ངེས་པའི་དོན།། ངོ་མཚར་དམ་པ་ཆེན་པོ་ཡིས།། རྡོ་རྗེ་སྙིང་པོ་ཉིད་ལ་ཉིད།། དགོངས་པའི་དོན་ལ་འདི་སྐད་འགྲེལ།། ཨེ
66a2 མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། སྐྱེ་བ་མེད་ལས་ཐམས་ཅད་སྐྱེས།། སྐྱེས་པ་ཉིད་ན་སྐྱེ་བ་མེད།། ཨེ་མའི་ངོ་མཚེ་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།།
66a3 འགག་པ་མེད་ལས་ཐམས་ཅད་འགག། འགག་པ་ཉིད་ན་འགག་པ་མེད།། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། དམིགས་པ་མེད་ལས་ཐམས་ཅད་དམིགས།། དམིགས་པ་ཉིད
66a4 ན་དམིགས་པ་མེད།། ཨེ་མའོ་ངོ་མཚར་རྨད་ཀྱིས་ཆོས།། རྫོགས་པའི་སངས་རྒྱས་ཀུན་གྱི་གསང་།། མི་གནས་པ་ལས་ཐམས་ཅད་གནས།། གནས་པ་ཉིད་ན་གནས་པ་མེད།། ཨེ་མའོ་ངོ་མཚར་སྨད་ཀྱི་ཆོས།།
66a5 རྫོགས་པའི་སངས་རྒྱས་ཀུན་གྱི་གསང་། འགྲོ་འོང་མེད་ལས་འགྲོ་འོང་ཉིད།། འགྲོ་འོང་ཉིད་ན་འགྲོ་འོང་མེད།། ཨེ་མའི་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། མ་བཅོས་མ་བསླད་བྱས་པ
66a6 མེད།། ཇི་བཞིན་རང་བཞིན་རྣམ་པར་དག། ཨེ་མའོ་ངོ་མཚར་རྨད་ཀྱི་ཆོས།། རྫོགས་པའི་སངས་རྒྱུ་ཀུན་གྱི་གསང་།། རང་བཞིན་མེད་པའི་རང་བཞིན་ལས།། བདེ་བ་ཆེན་པོ་ལྷུན་གྱིས་གྲུབ། ཨེ་མའི་ངོ་མཚར་རྨད
iiif viewer powered by OpenSeadragon
