| e-texts navigator |
| Wylie |
65b1 དང་།། སེམས་ཅན་སངས་རྒྱས་ཐ་དད་མིན།། གསང་སྔགས་རྡོ་རྗེ་རྣལ་འབྱོར་པ། སྐྱེས་བུ་ཐབས་ཀྱི་ཕ་རོལ་ཕྱིན།། རྡོ་རྗེ་རྣལ་འབྱོར་མི་ལྡན་ན།། དེ་ཉིད་ཐབས་དང་ཤེས་རབ་བྲལ།། དེ་བས་རྣལ་འབྱོར་ཆེན་པོ
65b2 ཡིས།། རྡོ་རྗེ་གསང་སྔགས་དམ་པ་ཡི།། ཆོས་འཕྲུལ་བཞི་ཡི་རང་བཞིན་ལས།། ནམ་ཡང་འགའ་བར་བྱ་བ་མིན།། ཞེས་སྨྲས་པས།། མ་འདྲེས་པ་ཡོངས་སུ་རྫོགས་པ་ནི་ཆོས་ཐམས་ཅད་ཀུན་ཏུ་བཟང་པོ་ཉིད་དོ་ཞེས
65b3 ཡོངས་སུ་གྲག་ཅིང་གྲགས་པར་གྱུར་ཏོ། ལང་ཀའི་བདག་པོ་དེ་དག་ནི་ཀུན་བརྗོད་པའི་ཆོ་འཕྲུལ་ཏེ། དེ་དག་ཀྱང་སོ་སོར་མ་འདྲེས་པར་དེ་ཁོ་ན་ཉིད་གཅིག་ཏུ་ཡོངས་སུ་འགྲེལ་ཏོ།། སངས་རྒྱས་ཀུན་གྱི་དགོངས་པ
65b4 འདུས་པའི་མདོ་ཆེན་པོ་ལས་ཀུན་བརྗོད་པའི་ཆོ་འཕྲུལ་བསྟན་པ་ཞེས་བྱ་བའི་ལེའུ་སྟེ་བཅོ་བརྒྱད་པའོ།། །། ལང་ཀའི་བདག་པོ་དེ་ལ་རྗེས་སུ་བསྟན་པའི་ཆོ་འཕྲུལ་གང་ཞེ་ན། ཞི་གནས་ཡོངས་སུ་རྫོགས་པར
65b5 འགྲེལ་པ་ནི་འདི་ལྟ་སྟེ། ཇི་སྙེད་པ་ཐམས་ཅད་ཇི་བཞིན་པ་ཉིད་དུ་ཡོངས་སུ་རྫོགས་པ་འབའ་ཞིག་གོ།། དེ་ཇི་ལྟ་ཞེ་ན། འདི་ལྟ་སྟེ། དེ་ཉིད་མི་གཡོ་ནམ་མཁའ་ལ།། གཡོ་རྡུལ་ཟ་དད་ཇི་སྙེད་པ།། མི་རྟོག་ཡེ་ཤེས་རྒྱ
65b6 མཚོ་ཆེ།། གཅིག་ལས་རྣམ་པ་ཡོངས་ཀྱིས་མེད།། རང་བཞིན་ལྷུན་གྲུབ་དཀྱིལ་འཁོར་ཆེ།། དེ་ན་དམན་དང་སེམས་དཔའ་དང་།། སྤྱོད་པའི་རྣལ་འབྱོར་མིང་ཡང་མེད།། ལྷུན་མཉམ་བྱང་ཆུབ་སྙིང་པོ་ལས།། ངེས་པའི
iiif viewer powered by OpenSeadragon
