| e-texts navigator |
| Wylie |
62b1 སྣང་།། སེམས་ཅན་དངོས་པོར་སྣང་བའི་རང་བཞིན་རྣམས།། སེམས་ཉིད་དངོས་པོ་མེད་པའི་ངང་དུ་སྣང་།། ཇི་སྙེད་རྣམ་པར་སྣང་བའི་རང་བཞིན་རྣམས།། ཇི་བཞིན་དེ་བཞིན་ཉིད་ཀྱི་ངང་དུ་སྣང་།། ཉོན་མོངས་དུག
62b2 ལྔར་སྣང་བའི་རང་བཞིན་རྣམས།། རྣ་གྲོལ་ཡེ་ཤེས་ལྔ་ཡི་ངང་དུ་སྣང་།། དུག་གསུམ་རྩ་བར་སྣང་བའི་རང་བཞིན་རྣམས།། སྐུ་གསུམ་ལྷུན་གྱིས་གྲུབ་པའི་ངང་དུ་སྣང་།། གཟུང་འཛིན་རྟོག་པར་སྣང་བའི་རང་བཞིན
62b3 རྣམས།། དབྱིངས་དང་ཡེ་ཤེས་གཉིས་མེད་དང་དུ་སྣང་།། བྱ་དང་བྱེད་པར་སྣང་བའི་རང་བཞིན་རྣམས།། ཐབས་དང་ཤེས་རབ་འབྲེལ་བའི་ངང་དུ་སྣང་།། འཇིག་ཚོགས་ཕུང་པོར་སྣང་བའི་རང་བཞིན་རྣམས།། རྣམ
62b4 གྲོལ་ཟག་མེད་ཕུང་པོའི་ངང་དུ་སྣང་།། ཀུན་ནས་ཉོན་མོངས་འཁོར་བའི་རང་བཞིན་རྣམས། རྣམ་བྱང་མྱ་ངན་འདས་པའི་ངང་དུ་སྣང་།། འཇིག་རྟེན་གཡོ་རྡུལ་མི་གཡོའི་རང་བཞིན་རྣམས།། རྒྱལ་བ་བཞི་བཅུ་གཉིས
62b5 ཀྱི་ངང་དུ་སྣང་།། མྱ་ངན་འདས་དང་འཁོར་བའི་རང་བཞིན་རྣམས།། བཙལ་མེད་མ་བཅོས་དེ་ཉིད་ངང་དུ་སྣང་།། ཞེས་ཡོངས་སུ་གྲག་ཅིང་གྲགས་པར་འགྱུར་རོ།། ལང་ཀའི་བདག་པོ་དེ་ནི་ཆོས་སྣང་བའི་ཆོ་འཕྲུལ
62b6 ཏེ། དེ་དག་ཀྱང་སོ་སོར་མ་འདྲེས་པར་གཅིག་ཏུ་ཡོངས་སུ་འགྲེལ་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་སྣང་བའི་ཆོ་འཕྲུལ་བསྟན་པའི་ལེའུ་སྟེ་བཅུ་བདུན་པའོ།། །། ལང་ཀའི
iiif viewer powered by OpenSeadragon
