| e-texts navigator |
| Wylie |
60b1 ཆེམ། ཀུན་དུ་རབ་ཏུ་ཆེམ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ། ཤར་མཐོ་ན་ནུབ་དམའ། ནུབ་མཐོ་ན་ཤར་དམའ། ལྷོ་མཐོ་ན་བྱང་དམའ། བྱང་མཐོ་ན་ལྷོ་དམའ་བར་གྱུར་ཏེ། ཕྱི་ནང་གི་མུན
60b2 པ་ཐམས་ཅད་སྦྱངས་ནས་འགྲོ་བ་མཐའ་ཐུག་པ་མེད་པ་དག་སྤྲོ་བའི་ངོ་མཚར་བསྐྱེད། སེམས་ཀྱི་དཀྱིལ་འཁོར་འོད་གསལ། ཐེག་པ་ཆེན་པོའི་ཆོས་ཉིད་ཀྱི་དགའ་བའི་རོ་ཚོར།། ཐམས་ཅད་རེ་ཞིང་དམ་པའི་ཆོས
60b3 ཉིད་དུ་སྣང་བ་ནི་འདི་ལྟ་ཏེ། འཇིག་རྟེན་མཐའ་ཡས་རྡུལ་སྙེད་དུ། སྤྲུལ་པ་མཐའ་ཡས་རྡུལ་སྙེད་སྤྲོས།། མུན་བསལ་དངོས་པོ་ཀུན་སྦྱངས་ཏེ། ཐམས་ཅད་མ་བཅོས་ཏེ་བཞིན་སྣང་། སྤྲུལ་པའི་དོན་ནི་རྡུལ་སྙེད་ལས།།
60b4 ཆོས་ཉིད་ངེས་པར་སྣང་བའི་སྒོ། གཉིས་ལས་བཅུ་བཞིར་སྣང་བ་ནི། ཡི་གེའི་འབྲུ་ཚོགས་གསལ་བར་སྣང་། ལང་ཀའི་བདག་པོ་འདི་ལྟ་སྟེ། ཨ་ཆོས་ཀྱི་དབྱིངས་ཉིད་རྣམ་པར་སྣང་བའི་སྒོའོ།། ཧཱུཾ་ཡེ་ཤེས་ཀྱི་ཆོས
60b5 ཉིད་རྣམ་པར་སྣང་བའི་སྒོའོ།། ཧཱུཾ་མི་གཡོ་བའི་ཆོས་ཉིད་ཡོངས་སུ་སྣང་བའི་སྒོའོ།། ཨོཾ་ཅིར་ཡང་སྣང་བའི་ཆོས་ཉིད་རྣམ་པར་སྣང་བའི་སྒོའོ།། སྣ་སྣ་ཚོགས་འབྱུང་བའི་ཆོས་ཉིད་རྣམ་པར་སྣང་བའི་སྒོའོ།། ཨཾཿམཐའ
60b6 ཡས་ཆོས་ཉིད་རྣམ་པར་སྣང་བའི་སྒོའོ།། ཧ་དོན་ཡོད་གྲུབ་པའི་ཆོས་ཉིད་རྣམ་པར་སྣང་བའི་སྒོའོ།། མཱཾ་བརྗོད་པ་ལས་འདས་པའི་ཆོས་ཉིད་རྣམ་པར་སྣང་བའི་སྒོའོ།། ལཱྀ་སྐྱེ་འགག་མེད་པའི་ཆོས་ཉིད་རྣམ་པར་སྣང
iiif viewer powered by OpenSeadragon
