| e-texts navigator |
| Wylie |
5b1 བར་ཕྱོགས་པ་དག་གང་ཇི་སྙེད་པ་རྣམས་སྡུས་ཤིག། ངེས་པར་གཞག་པར་བྱ་བ་དག་ཡོད་དོ་ཞེས་གསུངས་པ་དང་། རྫུ་འཕྲུལ་ཅན་དེས་ཆོས་ཀྱི་སྐད་ཅིག་གིས་གོ་བར་བསྒྲགས་ནས་ཐམས་ཅད་བསྡུས་པ་ནི་འདི་ལྟ
5b2 སྟེ། རྒྱལ་བའི་ཞིང་འགྱུར་རིས་དྲུག་གང་སུ་དག། འདི་བར་ངེས་ཤིང་ཕྱོགས་པ་ཀུན་ཉོན་ཅིག། དེང་འདིར་རྒྱལ་བ་བདུད་རྩི་གསུམ་འཇོག་གིས། དུག་གསུམ་འཇོམས་པར་འདོད་པ་ཀུན་འདུས་ཤིག། དེ་སྐད་ཅེས
5b3 བསྒྲགས་པས་དམ་པའི་རིག་ཅན་ལྔ་མ་གཏོགས་འདི་ལྟ་སྟེ། སྔགས་ཀྱི་བསམ་གཏན་ཆེན་པོའི་ནང་དུ་ཡང་དག་འཇོག་པ་བསྐུལ་བ་ཆེན་པོ་ལང་ཀའི་མངའ་བདག་བློ་གྲོས་ཐབས་ལྡན་ལ་སོགས་པ་ལས
5b4 གཞན་ཐམས་ཅད་འདུས་པར་གྱུར་ཏོ།། དེ་ནས་འདུས་པ་དེ་དག་ལ་བཀའ་སྩལ་པ། ཀྱེ་གྲོགས་པོ་དག་ཤེས་པར་གྱིས་ཤིག། ཆོས་ཐམས་ཅད་ནི་མི་རྟག་པའོ།། འབྱོར་པ་ཐམས་ཅད་ནི་མཐར་རྒུད་པའོ།། དངོས
5b5 པོ་ཐམས་ཅད་ནི་ངེས་པར་འཇིག་པའོ།། གང་ཟག་གི་སྲོག་གི་དབང་པོ་ལ་སྐྱེ་ཤི་ཡོད་པའི་ཕྱིར་ང་ཡོངས་སུ་མྱ་ངན་ལས་འདའ་བས་སུ་དག་ཐེ་ཚོམ་མཆོད་པ་རྣམས་དྲི་བ་གྱིས་ཤིག། དེ་སྐད་ཅེས་བཀའ་སྩལ་པ་དང་།།
5b6 འཁོར་དེ་འདུས་པར་གྱུར་པའི་རིག་འཛིན་གྱི་རྒྱལ་པོ་ཀུན་ཛ་ར་ཞེས་བྱ་བ་དེ་རང་གི་སྟན་ལས་ལངས་ཏེ།། སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གསོལ་ཏོ།། ཁྱོད་ནི་ནམ་མཁའི་རང
iiif viewer powered by OpenSeadragon
