| e-texts navigator |
| Wylie |
5a1 ཁྱབ་པའི་འཇིག་རྟེན་དྲུག་གི་ཕྱོགས་བཅུ་དང་བཅས་པ་མཐའ་ཡས་པར་འཇིག་རྟེན་སྒྲོན་མ་བྱེ་བ་མཐའ་ཡས་པར་ཤར་བ་དེ་དག་ཀྱང་འཁོར་བ་ཐོག་མ་ཐ་མ་མེད་པ་ནས་བརྗོད་ཀྱི་མི་ལང་བའི་ཁམས
5a2 བསྐལ་པ་ཐོག་མ་ཐ་མ་མེད་པ་བརྗོད་ཀྱིས་མི་ལང་པའི་སྐབས་ལ་རྟག་པར་རྒྱུན་གྱི་ཁོར་མོར་འབྱུང་ཞིང་སྒྲོན་མའི་བྱ་བས་ལྷ་མིའི་འཇིག་རྟེན་གྱི་མུན་པ་བསལ་ནས་སེམས་ཀྱིས་དཀྱིལ་འཁོར་གསལ་བར་བྱས་ཏེ།
5a3 ཉི་ཟླའི་དཀྱིལ་འཁོར་མུན་པ་ལྟར་ཡོངས་སུ་མྱ་ངན་འདའ་ཞེས་ཐམས་ཅད་ནས་ཐམས་ཅད་དུ་ཡོངས་སུ་གྲགས་ཤིང་རྣམ་པར་སྣང་ངོ་།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐུན་མོང་བཅའ
5a4 གཞིའི་ལེའུ་སྟེ་དང་པོ།། །། དེ་ནས་ཇི་ལྟར་དེ་ལྟར་འདི་ལྟར་མི་མཇེད་ཅེས་བྱ་བའི་འཇིག་རྟེན་ཁམས་ན་བཞུགས་པའི་སྟོན་པ་རྡོ་རྗེ་ཐུབ་པའི་དབང་པོ་སྐྱེད་དགུའི་ཚེ་ལོ་བརྒྱ་པ་ལ་བྱུང་སྟེ།། ཡུན་ཧ་ཅང་མི་རིང
5a5 བ་ཞིག་བཞུགས་ཏེ་ཡོངས་སུ་མྱ་ངན་ལས་འདས་པར་དགོངས་ནས་ཡུལ་ཡངས་པ་ཅན་ཞེས་བྱ་བར་འཁོར་མང་པོ་དང་ཐབས་ཅིག་ཏུ་བཞུགས་པར་དབྱར་གྱི་ངོ་བོ་གསུམ་འདས་ནས་འཇིག་རྟེན་གྱི་སློབ་མ་ལ
5a6 གདམས་ངག་གསུམ་གཞག་པའི་སླད་དུ་འཁོར་འདུས་པ་རྣམས་ཀྱི་ནང་ན་རྫུ་འཕྲུལ་ཆེར་སྦྱོང་ལ་བཀའ་སྩལ་པ། རྫུ་འཕྲུལ་ཅན་ཁྱེད་དེང་ལ་འཇིག་རྟེན་དྲུག་གི་ཕྱོགས་བཅུ་ན་ངའི་སློབ་མ་གང་དག་འཁོད་པ་འདི
iiif viewer powered by OpenSeadragon
