| e-texts navigator |
| Wylie |
59b1 བཅུ་གང་ཞེ་ན། སྐྱེ་བ་དང་། ཡོ་བྱད་དང་། མོས་པ་དང་། རྫུ་འཕྲུལ་དང་། ཆོས་དང་། ཡེ་ཤེས་དང་། སེམས་དང་། ཚེ་དང་། ལས་དང་། སྨོན་ལམ་ལ་དབང་བའོ།། ལང་ཀའི་བདག་པོ་ཉམ་བག་ཆེན་པོར་རོལ་པའི
59b2 རྟགས་གང་ཞེ་ན། འདི་ལྟ་སྟེ། ཕྱག་རྒྱ་བཞི་ལ་རོལ་པ་སྟེ། སྐུའི་མཉམ་པ་ཉིད་དང་། ཐུགས་ཀྱི་ཐིགས་པ་དང་། གསུང་གི་འགྲེལ་པ་དང་། ཕྲིན་ལས་ཀྱི་རླབས་ལ་རོལ་པའོ།། ལང་ཀའི་བདག་པོ་གང་གི་དཔུང་གིས
59b3 མི་བསྙེངས་པའི་རྟགས་ནི་འདི་ལྟ་སྟེ། སྒེག་པའི་ཚུལ་དང་། དཔའ་བོའི་ཚུལ་དང་། འཇིགས་པའི་ཚུལ་དང་། གཤེ་བའི་ཚུལ་དང་། བཞད་པའི་ཚུལ་དང་། སྙིང་རྗེའི་ཚུལ་དང་། རྔམ་པའི་ཚུལ་དང་། ངོ་མཚར་བའི
59b4 ཚུལ་དང་། ཞི་བའི་ཚུལ་དང་། ལང་ཀའི་བདག་པོ་ཡུན་གྱི་དོན་སྲིད་བརྙེས་པའི་རྟགས་ནི་འདི་ལྟ་སྟེ། བྱམས་པའི་བློ་དང་། སྙིང་རྗེའི་གྲོས་དང་། དགའ་བའི་ཐབས་དང་། བཏང་སྙོམས་ཀྱི་མདོའོ།། ལང་ཀའི་བདག
59b5 པོ་སྟོབས་ཀྱིས་གཞན་གང་གནོན་པའི་རྟགས་ནི་འདི་ལྟ་སྟེ། སྙིང་རྗེའི་སྟོབས་དང་། ཆོས་ཉིད་ཀྱི་སྟོབས་དང་། མི་འབྱེད་པའི་སྟོབས་དང་། གྲུབ་པའི་སྟོབས་དང་། མ་སྤངས་པའི་སྟོབས་དང་། མ་གཡོས་པའི་སྟོབས
59b6 དང་། སྨོན་ལམ་གྱི་སྟོབས་དང་། སྤྲུལ་པའི་སྟོབས་དང་། མི་གཏོང་བའི་སྟོབས་དང་། ཆགས་པའི་སྟོབས་སོ།། ལང་ཀའི་བདག་པོ་རྫུ་འཕྲུལ་གྱིས་མི་གནས་པར་སྤྱོད་པའི་རྟགས་གང་ཞེ་ན། འདི་ལྟ་སྟེ། ཆོས་ཉིད་ཀྱི
iiif viewer powered by OpenSeadragon
