| e-texts navigator |
| Wylie |
58a1 མཆོག་སྟོན་པར་མཛད་པ་དང་།། སྐྱེ་བཞི་གཅོད་པར་མཛད་པ་དང་།། རྒྱུ་དྲུག་འདོན་པར་མཛད་པ་དང་།། མཐའ་དྲུག་རྫོགས་པར་མཛད་པ་དང་།། ལས་བཞིས་སྒྲོལ་བར་མཛད་པའོ།། ལང་ཀའི
58a2 བདག་པོ་ཆེ་བ་གང་ཞེ་ན། འདི་ལྟ་སྟེ་གཉེན་པོ་མེད་པའི་ཆེ་བ་དང་།། འགྲན་ཟླ་མེད་པའི་ཆེ་བ་དང་།། ཁྱད་པར་དུ་འཕགས་པའི་ཆེ་བ་དང་།། ཆེ་བཙན་གཅིག་པུའི་ཆེ་བ་དང་།། ཚམ་ངམ་རླབས་ཀྱི་ཆེ་བ་དང་།
58a3 རྨད་དུ་བྱུང་བའི་ཆེ་བ་དང་། ཐམས་ཅད་དུ་མ་ཕམ་པའི་ཆེ་བ་དང་། མངའ་དབང་རྫོགས་པའི་ཆེ་བ་དང་། ཀུན་ལས་རྒྱལ་བའི་ཆེ་བ་དང་། ཡོངས་སུ་མི་ནུབ་པའི་ཆེ་བའོ།། ལང་ཀའི་བདག་པོ་མངོན་པའི་རྟོག་པ་གང
58a4 ཞེ་ན། འདི་ལྟ་སྟེ། སྐུའི་རྔོམ་སྒྲོམ་གྱིས་བྱེ་བ་ས་ཡང་མངོན་པ་དང་། གསུང་གི་རྔོམ་སྤྱོམ་བསྟན་པ་རྒྱ་མཚོར་མངོན་པ་དང་། ཐུགས་ཀྱི་རྔོམ་སྤྱོམ་ཆོས་ཉིད་ནམ་མཁའ་མངོན་པ་དང་། མཐུའི་རྔོན་སྒྲོམ་ནམ་མཁའི
58a5 དབྱིངས་ལྟར་མངོན་པའོ།། ལང་ཀའི་བདག་པོ་དེ་དག་ཀྱང་ཚུལ་བཅུ་དག་དྲུག་གིས་རྫོགས་པར་འགྱུར་ཏེ། དེ་ཡང་གང་ཞེ་ན། འདི་ལྟ་སྟེ། ཇི་ལྟར་སྣང་བའི་རི་བོ་ལྟ་བུའི་ཚུལ་དང་། ཅིར་ཡང་འགྱུར་བ་གར་ཐབས
58a6 ལྟ་བུའི་ཚུལ་དང་། ཟིལ་གྱིས་ནོན་པ་ཁྱད་པར་དུ་བྱུང་བའི་ཚུལ་དང་། ཚམ་ངམ་ཆེན་པོའི་སྟོབས་རྔམས་སུ་འགྱིང་བའི་ཚུལ་དང་། གང་དུ་རྔུབ་པ་ཞལ་གྱི་ཚུལ་དང་། ཅིར་ཡང་འགྱུར་བ་ལྗགས་ཀྱི་ཚུལ་དང་། ཡོངས
iiif viewer powered by OpenSeadragon
