| e-texts navigator |
| Wylie |
56b1 ཀའི་བདག་པོ་གང་དུ་རྣམ་པར་བསྒྱུར་བའི་ཆོ་འཕྲུལ་ནི་འདི་ལྟ་སྟེ། རྣམ་པར་རྟོག་པའི་རི་བོ་བཅུའོ།། བཅུ་གང་ཞེ་ན། འདི་ལྟ་སྟེ། སྦྱོར་བའི་རྟོག་པ་དང་། ཞེན་པའི་རྟོག་པ་དང་། དངོས་གཞིའི་རྟོག་པ་དང་། སྐྱེད
56b2 པའི་རྟོག་པ་དང་། རྐྱེན་གྱི་རྟོག་པ་དང་། ལས་ཀྱི་རྟོག་པ་དང་། མཚན་མའི་རྟོག་པ་དང་། མངོན་པའི་རྟོག་པ་དང་། སྤྱོད་པའི་རྟོག་པ་དང་། རྟགས་ཀྱི་རྟོག་པའོ།། ལང་ཀའི་བདག་པོ་རྩ་བའི་རྟོག་པ་འདི་བཅུ་ལས
56b3 རྟོག་པའི་རོ་བོ་དགུ་བཅུའམ། བརྒྱད་ཅུ་རྩ་གཅིག་གིས་རྣལ་འབྱོར་གྱི་ལམ་དམ་པ་རྣམ་པར་བཅད་པས་བགྲོད་པར་དཀའི་བའི་ཕྱིར་ཡོངས་སུ་སྦྱང་བ་ལ་བརྩོན་པར་བྱའོ།། ལང་ཀའི་བདག་པོ་དགུ་གང་ཞེ་ན། འདི
56b4 ལྟ་སྟེ། མིང་གི་རྟོག་པ་དང་། མཚན་མའི་རྟོག་པ་དང་། བརྡའི་རྟོག་པ་དང་། ཐ་སྙད་ཀྱི་རྟོག་པ་དང་། ཡོད་པའི་རྟོག་པ་དང་། མེད་པའི་རྟོག་པ་དང་། ཐེ་ཚོམ་གྱི་རྟོག་པ་དང་། ངེས་པ་འཇིག་པའི་རྟོག་པ་དང་། དཔྱོད
56b5 པའི་རྟོག་པ་སྟེ། འདི་དག་ནི་རྣམ་པ་བཅུར་འགྱུར་བའི་རྒྱུར་གྱུར་པས་རི་བོ་བཅུ་དགུ་པའོ།། ལང་ཀའི་བདག་པོ་བཅོ་བརྒྱད་པ་དང་གཅིག་པ་གང་ཞེ་ན། འདི་ལྟ་སྟེ། གསུམ་གསུམ་དུ་གསུམ། ལྔ་གསུམ་དུ་བཞི།།
56b6 བཞི་གཅིག་ཏུ་ལྔ། དྲུག་གཅིག་ཏུ་དྲུག། གསུམ་གཅིག་ཏུ་བདུན། ལྔ་གཉིས་དང་དྲུག་གཅིག་ཏུ་བརྒྱད། བཅུ་གཉིས་གཅིག་ཏུ་དགུ། བདུན་གཅིག་ཏུ་བཅུ་སྟེ། དེ་ལྟ་སྤྱིར་བཅོ་བརྒྱད་དེ། བརྟགས་པ་ནི་རྟོག་པ་གཅིག
iiif viewer powered by OpenSeadragon
