| e-texts navigator |
| Wylie |
52b1 ཆེན་པོའོ།། བྱ་བརྩལ་མེད་པས་དོན་ཐམས་ཅད་གྲུབ་པའོ།། སྣ་ཚོགས་འཕྲུལ་པས་ཆོ་འཕྲུལ་ཉིད་དོ།། མཚན་མར་བྱུང་བས་ཕྱག་རྒྱ་ཉིད་དོ།། གཞན་ནས་མི་ཚོལ་བས་བསྙེན་པ་ཉིད་དོ།། རང་ལས་བྱུང་བས་ཉེས
52b2 བའི་བསྙེན་པ་ཉིད་དོ།། སྙིང་པོ་ཉིད་པས་བསྒྲུབ་པའོ།། འབྲས་བུ་ཉིད་པས་སྒྲུབ་པ་ཆེན་པོའོ།། བཀའ་སྩལ་པ། སྐྱེས་བུ་དམ་པ་དག་བྱང་ཆུབ་ཀྱི་སྙིང་པོ་དེ་ཇི་ལྟར་སྒྲུབ། གསོལ་པ། སྒྲུབ་ཏུ་མ་མཆིས་ལགས་སོ།།
52b3 བཀའ་སྩལ་པ། ཇི་ལྟར་སྒྲུབ་ཏུ་མེད། གསོལ་པ། ཡེ་ནས་གྲུབ་པ་ཉིད་ཀྱི་སླད་དུའོ།། བཀའ་སྩལ་པ། ཡེ་ནས་ཇི་ལྟར་གྲུབ། གསོལ་པ། གཞན་ནས་མེ་འབྱུང་བ་དང་རང་ལས་འབྱུང་བ་དང་། བྱ་བརྩལ་མེད་པ་དང་།
52b4 རང་བྱུང་བའི་ཕྱིར་ཡེ་ཉམས་སུ་ལོན་པ་ཉིད་དུ་ངེས་པའོ་ཞེས་དེ་ལྟ་དེ་ལྟར་སྟོང་པ་ཉིད་ལས་སྒྲ་བྱུང་བས་དེ་ཁོ་ན་ཉིད་དེ་ཁོ་ན་ཉིད་དུ་ངེས་པ་ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་ལས་མ་གཏོགས་པ
52b5 གང་དུ་ཡང་མེད་དོ།། ལང་ཀའི་བདག་པོ་དེ་ལྟར་སྐྱེས་བུ་དམ་པས་སྙིང་པོ་བྱང་ཆུབ་ཉིད་དུ་ངེས་པ་དག་མི་གཡོ་བའི་ངང་ལ་མི་རྟོག་པ་ཉིད་དུ་ཞི་བར་ལྡན་པར་གནས་པ་དེའི་ཚེ་དེའི་དུས་ན་དགོངས་པ་ཉིད་ཀྱི་ནམ
52b6 མཁའ་ལ་འགྲེལ་པ་ཡེ་ཤེས་ཀྱི་ཉི་མ་བདལ་ཏེ་ཐམས་ཅད་དེ་ཁོ་ན་ཉིད་དུ་འགྲེལ་ཏོ།། དེའི་ཚེ་དེའི་དུས་ན་གསང་སྔགས་འབྱུང་བའི་རྒྱུ་གདུལ་བྱ་ཁྱད་པར་དུ་བྱུང་བ་འཇིག་རྟེན་གསུམ་སྲེག་པར་བྱེད་པ། ཁྲོ་བོའི་ཚུན
iiif viewer powered by OpenSeadragon
