| e-texts navigator |
| Wylie |
4a1 རྟེན་དག་གི་ཕྱོགས་བཅུ་ཐ་དད་པ་ན་དེད་དཔོན་ཐ་དད་པའི་སྐྱེས་བུར་གཟུགས་ཐ་དད་པར་རྣམ་པར་སྣང་བ་དག་རང་རང་གི་ལུས་ཀྱི་འཁོར་ཐ་དད་པ་དང་བཅས་ཏེ། སེམས་ཀྱི་མེ་ལོང་འོད་གསལ་བ
4a2 གསང་སྔགས་ཀྱི་ངོ་བོ་ཉིད་རང་རང་གི་ཐུབ་པའི་དབང་པོ་ལ་རང་རང་གི་སྐད་དང་བརྡ་དང་མོས་པ་སྣ་ཚོགས་ཀྱིས་ཉན་ཅིང་མིང་དང་མཚན་མར་བརྟགས་པའི་སྒོ་ནས་རང་རང་གི་ཉེ་འཁོར་ལ་དེ་བཞིན་སྟོན་ཏོ།། དེ
4a3 ལྟ་བུའི་བྱང་ཆུབ་སེམས་དཔའ་དེ་དག་ཀྱང་ལ་ལ་ནི་བྱང་ཆུབ་ཀྱི་རིགས་ཅན་དག་གོ། ལ་ལ་ནི་བྱང་ཆུབ་པ་དག་གོ། ལ་ལ་ནི་བྱང་ཆུབ་སེམས་དཔའ་དག་གོ། ལ་ལ་ནི་བྱང་ཆུབ་སེམས་དཔའ་སེམས་དཔའ་ཆེན་པོ
4a4 དག་གོ། ལ་ལ་ནི་བྱང་ཆུབ་ཆེན་པོ་དག་གོ། དེ་བཞིན་དུ་གཞི་ལྔ་ལས་བཏགས་པ་ཐ་དད་དུ་གྲགས་པ་ནི་འདི་ལྟ་སྟེ།། རྗེས་སུ་ཡི་རང་བ་དག་དང་། མ་སྐྱེས་པའི་ཆོས་ལ་བཟོད་པ་ཐོབ་པ་དག་དང་ཆོས་ལ་ཆོས་ཀྱི
4a5 མིག་རྐུལ་མེད་ཅིང་དྲི་མ་དང་བྲལ་བ་རྣམ་པར་དག་པ་དང་།། ཕྱིར་མི་ལྡོག་པའི་ས་ལ་གནས་པ་དག་དང་། འདུན་པས་ཕྱོགས་པ་དག་དང་། དད་པས་མོས་པ་དག་དང་། ཡོངས་སུ་བསྟི་གནས་པ་དག་དང་། སྐྱེ་བ
4a6 གཅིག་གིས་ཐོགས་པ་དག་དང་། སྲིད་པ་ཐ་མ་པ་དག་དང་། ལམ་དུ་འཇུག་པ་དག་དང་། འགྲོ་བ་དག་དང་། ཕྱིན་པ་དག་དང་། ཕྱིར་འོང་བ་དག་དང་། གནས་པ་དག་དང་། སྨོན་པ་དང་། ལྡང་བ་པ་དང་།
iiif viewer powered by OpenSeadragon
