| e-texts navigator |
| Wylie |
48a1 ཉམས་རྙེད་ལ།། མཐོང་རྙེད་ཐ་སྙད་ཙམ་དུ་བརྗོད།། རྣམ་དག་ལམ་ཆེན་དེ་ཉིད་དུ།། བྱུང་བའི་སྐྱེས་བུ་དམ་པ་དག། དོན་ཆེན་རབ་ཏུ་གེས་རྙེད་དེ།། མི་དམིགས་པ་ཡི་ངང་ཉིད་ལ།། མི་གཡོ་མི་རྟོག་པ
48a2 ཡི་ཚེ།། མི་གནས་ཆོས་སྐུའི་ངོ་བོ་ཉིད།། རང་བྱུང་ཡེ་ཤེས་ནམ་མཁའ་ཆེ།། མ་འདྲེས་ཡོངས་སུ་རྫོགས་པའི་ངང་།། མི་སྐྱེ་མི་འགག་དེ་བཞིན་ཉིད།། སྨྲ་བསམ་བརྗོད་མེད་རྟོགས་ལས་འདས།། སོ་སོ་རང་གི་སྤྱོད་ཡུལ
48a3 ཏེ།། དབུས་མཐའ་མི་དམིགས་ཇི་བཞིན་ཉིད།། སྙིང་པོ་བྱང་ཆུབ་ཀུན་ཡུམ་ལ།། མ་སྤྲོས་བདེ་བཞིན་ལྷན་ནེ་བའོ།། ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་བྱང་ཆུབ་ཀྱི་སྙིང་པོ་དེ་ཁོ་ན་ཉིད་དེ་ཇི
48a4 ཙམ་ཞིག་ན་གནས་པར་འགྱུར། མཚན་དང་རང་བཞིན་ཅི་ལགས། སྨྲས་པ། ལང་ཀའི་བདག་པོ་ཀུན་དུ་མ་ངེས་ཏེ། དུས་ཚིགས་དང་། ཟླ་བ་དང་། ཟླ་བ་ཕྱེད་དང་། ཞག་དང་། ཉི་མ་དང་། ཐུན་དང་། ཐུན་ཕྱེད་དང
48a5 སྐད་ཅིག་དང་། ཟང་ཅིག་དང་། ཡུད་ཙམ་དང་། དེ་མ་ཐག་པ་དང་། དེ་ཁོ་ན་ཉིད་པ་དང་། བསྐལ་པ་དང་། བསྐལ་པ་ཚད་མེད་པས་སོ།། མཚན་ཉིད་དང་རང་བཞིན་མེད་པས་སོ།། མི་དམིགས་པའོ།། གོམས་པར
48a6 བྱས་པའོ།། ངེས་པར་བརྟགས་པའོ།། ཡོངས་སུ་སྤྱད་པའོ།། ཅིར་ཡང་སྣང་བའོ།། ཡིན་པར་ངེས་པའོ།། ཀུན་ནས་འབྱུང་བའོ།། ཐམས་ཅད་འདུས་པའོ།། ཡོངས་ལ་ཁྱབ་པའོ།། ཡོང་གིས་སྐྱེ་བའོ།། རྣམ་པར་དག
iiif viewer powered by OpenSeadragon
